
遍知贝玛嘎波大师教言集PK175འཇམ་དཔལ་ཚེ་བདག་ནག་པོའི་ལས་བྱང་ཀུན་ཏུ་བཟང་པོའི་མཆོད་སྤྲིན་བཞུགས་སོ།།
17-31
༄༅། །འཇམ་དཔལ་ཚེ་བདག་ནག་པོའི་ལས་བྱང་ཀུན་ཏུ་བཟང་པོའི་མཆོད་སྤྲིན་བཞུགས་སོ།།
༄། །ལན་གསུམ་བྱ་ལ་བསྲུང་འཁོར།
༄༅། །འཇམ་དཔལ་ཚེ་བདག་ནག་པོའི་ལས་བྱང་ཀུན་ཏུ་བཟང་པོའི་མཆོད་སྤྲིན་བཞུགས་སོ། ། ༄༅། །བཅོམ་ལྡན་འདས་ཕྱག་རྒྱ་ཆེན་པོ་ཟིལ་གྱིས་གནོན་པའི་ཚེ་བདག་ནག་པོ་ལ་ཕྱག་འཚལ་ལོ། །ལྟ་བའི་དྲེགས་པ་ཐུ་བོ་སྡེར་བཅས་རྣམས། །གཡུལ་ངོར་བསད་པའི་ཁྲག་གིས་རབ་མྱོས་གར། །བདེ་ཆེན་ས་ལ་རྣམ་པར་རྩེ་བའི་ལྷ། །
དབྱིངས་ནས་ཁྲོས་པ་ཚེ་བདག་དེར་བཏུད་ནས། །ཟླ་གསང་རྒྱུད་སྡེ་ཉལ་འགྲོའི་ཉིང་ཁུ་གང་། །ལྕགས་སྡིག་ཆོས་ཀྱི་བཻ་ཌཱུརྻར་ཆགས་པ། །འཕྲིན་ལས་དོན་ཀུན་བསྒྲུབ་ལ་མཐུ་སྟོབས་གཟི། །འབར་བའི་ཟླ་ཉི་ལས་འགོང་འདི་ན་སྟོན། །
17-32
དཀྱིལ་འཁོར་གསུམ་ལས་ཨེ་ཐུང་ལ། །བཅའ་བཞི་སེམས་བསྐྱེད་བསྲུང་འཁོར་བསྒོམ། །བགེགས་བསྐྲད་མཚམས་བཅད་སྒོ་དབྱེ་ཕྱག །དམ་བཅའ་བྱིན་དབབ་བཤགས་པ་དང་། །མཆོད་རྫས་བྱིན་བརླབ་ཏིང་འཛིན་བསྒོམ། །འབྱུང་བརྩེགས་གཞལ་ཡས་ལྷ་
བསྐྱེད་དྲང་། །བཞུགས་གསོལ་དབང་ཕྱག་མཆོད་བསྟོད་འཛབ། །བཤགས་པ་བྱ་རྣམས་སྟོད་ཀྱི་ལས། །སྒྲུབ་ཆེན་གཞུང་བཞིན་བཅས་འདུག་སེམས། ཧཱུྃ། དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་
ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་གཟུང་། །བྱང་ཆུབ་སེམས་མཆོག་བསྐྱེད་པར་བགྱི། །དུས་གསུམ་བདེ་གཤེགས་ཐམས་ཅད་ཀྱི། །ཐུགས་ཀྱི་སྲས་སུ་མཛད་དུ་གསོལ། །
ལན་གསུམ་བྱ་ལ་བསྲུང་འཁོར་ནི། ཧཱུྃ། སྣང་སྲིད་འཁོར་ལོ་རྩིབས་བཅུར་སོང་། །ལྟེ་བར་བདག་ཉིད་ཟིལ་གནོན་སྐུ། །འཇིགས་བྱེད་ཀཱི་ལ་ཡ་སྒྲོག་པའི། །ཐུགས་ལས་ཧཱུྃ་བཅུ་རྩིབས་སུ་འཕྲོས། །ཨེ་ཨ་ཀྲོ་ཏེ་
ཀ །ཡ་མནྟ་ཀ །ཀ་ལ་རུ་པ་ཧྲཱིཥྚཱི་ཨ་བ་ཡེ་ཧཱུྃ། སྟེང་དུ་ཁྲོ་རྒྱལ་ཧཱུྃ་ཀཱ་ར། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །ཚངས་པའི་སྙིང་ཟུག་སྟེང་གདོན་
འཇོམས། །ཨོཾ་མ་ཧཱ་ཀྲོ་དྷ་ཧཱུྃ་ཀཱ་ར་ཧཱུྃ་ཕཊ྄། ཤར་དུ་ཁྲོ་རྒྱལ་བི་ཛ་ཡ། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དབལ། །དྲི་ཟའི་སྙིང་ཟུག་ཤར་གདོན་འཇོམས། །ཨོཾ་མ་ཧཱ་ཀྲོ་དྷ་བི་ཛ་ཡ་ཧཱུྃ་ཕཊ྄། 
17-33
ལྷོ་རུ་ཁྲོ་རྒྱལ་གཤིན་རྗེའི་གཤེད། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །གཤིན་རྗེའི་སྙིང་ཟུག་ལྷོ་གདོན་འཇོམས། །ཨོཾ་མ་ཧཱ་ཀྲོ་དྷ་ཡ་མཱནྟ་ཀ་ཧཱུྃ་ཕཊ྄། ནུབ་ཏུ་
ཁྲོ་རྒྱལ་རྟ་མགྲིན་ཆེ། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །ཀླུ་དབང་སྙིང་ཟུག་ནུབ་གདོན་འཇོམས། །ཨོཾ་མ་ཧཱ་ཀྲོ་དྷ་ཧ་ཡ་གྲཱྀ་བ་ཧཱུྃ་ཕཊ྄། བྱང་དུ་ཁྲོ་
རྒྱལ་བདུད་རྩི་འཁྱིལ། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །གནོད་སྦྱིན་སྙིང་ཟུག་བྱང་གདོན་འཇོམས། །ཨོཾ་མ་ཧཱ་ཀྲོ་དྷ་ཨ་མྲྀ་ཏ་ཀུཎྚ་ལི་ཧཱུྃ་ཕཊ྄། ཤར་ལྷོར་ཁྲོ་
རྒྱལ་དབྱུག་སྔོན་ཅན། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །མེ་ལྷའི་སྙིང་ཟུག་མེ་གདོན་འཇོམས། །ཨོཾ་མ་ཧཱ་ཀྲོ་དྷ་ནཱི་ལ་དཎྜ་ཧཱུྃ་ཕཊ྄། ལྷོ་ནུབ་ཁྲོ་རྒྱལ་མི་
གཡོ་མགོན། །དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །སྲིན་པོའི་སྙིང་ཟུག་སྲིན་གདོན་འཇོམས། །ཨོཾ་མ་ཧཱ་ཀྲོ་དྷ་ཨ་ཙ་ལ་ཧཱུྃ་ཕཊ྄། ནུབ་བྱང་ཁྲོ་རྒྱལ་འདོད་པའི་རྒྱལ། །
དབུ་གསུམ་ཕྱག་དྲུག་མཚོན་ཆ་འཕེན། །སྐུ་སྨད་ཕུར་བུ་འབར་བའི་དཔལ། །རླུང་ལྷའི་སྙིང་ཟུག་རླུང་གདོན་འཇོམས། །ཨོཾ་མ་ཧཱ་ཀྲོ་དྷ་ཊཀྐི་རཱ་ཛ་ཧཱུྃ་ཕཊ། བྱང་ཤར་ཁྲོ་རྒྱལ་གསུམ་ལས་རྒྱལ། །དབུ་གསུམ་ཕྱག་དྲུག་མཚོན་ཆ་འཕེན། །
17-34
སྐུ་སྨད་ཕུར་བུ་འབར་བའི་དཔལ། །དབང་ལྡན་སྙིང་ཟུག་དབང་གདོན་འཇོམས། །ཨོཾ་མ་ཧཱ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ་ཕཊ྄། འོག་ཏུ་ཁྲོ་རྒྱལ་སྟོབས་པོ་ཆེ། །དབུ་གསུམ་ཕྱག་དྲུག་མཚོན་ཆ་འཕེན། །
སྐུ་སྨད་ཕུར་བུ་འབར་བའི་དཔལ། །ས་བདག་སྙིང་ཟུག་འོག་གདོན་འཇོམས། །ཨོཾ་མ་ཧཱ་ཀྲོ་དྷ་མཧཱ་བ་ལ་ཧཱུྃ་ཕཊ྄། བགེགས་བསྐྲད་བཤོས་ཆང་ཏིང་ལོ་རྣམས། ཨོཾ་ཨཱཿཧཱུྃ་གིས་བྱིན་བརླབས་བྱིན། ཧཱུྃ། ཡང་གསང་
ལྷ་ཡི་དུར་ཁྲོད་གཞལ་ཡས་འདིར། །འདུ་བའི་དབང་ལྡན་ལས་བྱེད་མ་གཏོགས་པ། །བར་ཆད་འབྱུང་པོ་སུ་ཡང་གནས་མི་རུང་། །དེ་བས་མ་ཐོགས་མྱུར་བ་ཉིད་དུ་སོང་། །ཨོཾ་སུཾ་བྷ་ནི་སུཾ་བྷ་
ཧཱུྃ་ཧཱུྃ་ཕཊ྄། ཨོཾ་གྲྀ་ཧྞ་གྲྀ་ཧྞ་ཧཱུྃ་ཧཱུྃ་ཕཊ྄། ཨོཾ་གྲྀ་ཧྞ་པ་ཡ་གྲྀ་ཧྞ་པ་ཡ་ཧཱུྃ་ཧཱུྃ་ཕཊ྄། ཨོཾ་ཨཱ་ན་ཡ་ཧོ་བྷ་ག་ཝཱན་བཛྲ་རཱ་ཛ་ཧཱུྃ་ཧཱུྃ་ཕཊ྄། ཨྱཻ་རིངས་ཀྱིས་
བསྐྲད་མཚམས་བཅད་མེའི། །ཧཱུྃ། གཤིན་རྗེ་གཤེད་པོ་ཁྲོས་པའི་མེ། །སྟེང་འོག་ཕྱོགས་མཚམས་བར་མེད་པ། །ཡེ་ཤེས་མེ་དཔུང་གཅིག་གིས་བཅད། །རྡོ་རྗེའི་ཚྭ་ཚྭ་ཞུགས་སུ་འཕྲོ། །ཨོཾ་བཛྲ་ཀྲོ་དྷ་ཀརྨ་རཾ་རཾ་
ཧཱུྃ་ཕཊ྄། མཚོན་ཆ་འཆོལ་བའི་མཚམས་བཅད་པ། ཧཱུྃ། སྟེང་ཡང་མཚོན་ཆའི་བླ་བྲེ་ལ། །འོག་ཀྱང་མཚོན་ཆའི་ས་གཞིར་བཅས། །བར་སྣང་མཚོན་ཆ་སྐར་ལྟར་འཁྲུག །སྤུ་གྲི་ཅན་ལྟར་གཏུབ་ཅིང་སྙོལ། །ཨོཾ་བཛྲ་ཀྲོ་དྷ་ཏིཀྵྞ་ཧཱུྃ་ཕཊ྄།
17-35
ཁྲོ་བོ་འཆོལ་པའི་མཚམས་བཅད་པ། །ཧཱུྃ། དཔའ་བོ་བདུད་དགྲ་བདུད་འདུལ་ཕྱིར། །ནམ་མཁའ་ཁྲོ་བོ་རོལ་པས་བཀང་། །བར་སྣང་ཁྲོ་མོ་གཏུམ་མོས་གཏམས། །ས་གཞི་ཁྲོ་སྲས་འཆོལ་བས་ཁྱབ། །ཨོཾ་མཧཱ་ཀྲོ་དྷ་
ཀྲོ་དྷཱི་ཤྭ་རི་ཧཱུྃ་ཕཊ྄། དེ་ནས་གསང་མཚམས་བཅད་པ་ནི། །ཧཱུྃ། ཆོས་དབྱིངས་རྣམ་དག་སྐྱེ་བ་མེད་པའི་དབྱིངས། །མ་བཅོས་ལྷུན་གྲུབ་བདེ་བ་ཆེན་པོའི་སྐུ། །ཕྱག་རྒྱ་ཟིལ་གནོན་ཐུགས་རྗེའི་འཕྲོ་འདུ་
ལས། །བགེགས་དང་བར་ཆད་ཅང་མེད་རང་བཞིན་མཚམས། །ཨོཾ་ཨ་ཨེ་ས་མ་ཡེ་ཧཱུྃ། བརྡ་སྒོ་དབྱེ་ནས་ཕྱག་བྱ་བ། ཧཱུྃ། དཀྱིལ་འཁོར་གཉེན་པོ་རྣམ་པར་དག་པའི་སྐུ། །སྒོ་ཕྱོགས་ལྷུན་གྲུབ་ཡེ་ཤེས་
གནས་ཡུལ་དུ། །དཀྱིལ་འཁོར་ལྷ་དང་བཅས་པའི་བརྡ་སྒོ་དབྱེ། །མཉམ་ཉིད་དག་པའི་ཚུལ་གྱིས་བརྡ་ཕྱག་འཚལ། །བླ་མེད་སེམས་ཀྱི་དམ་བཅའ་ནི། །ཧཱུྃ། གསང་བ་མཆོག་གི་དཀྱིལ་འཁོར་ཆེན་པོ་དང་། །རང་བྱིན་
བརླབ་པའི་ཐབས་ཤེས་ལ་བརྟེན་ནས། །བདེ་བར་གཤེགས་པའི་དངོས་གྲུབ་ཐོབ་བྱའི་ཕྱིར། །ཀུན་རྫོབ་དོན་དམ་བྱང་ཆུབ་སེམས་གཟུང་ངོ་། །ཨོཾ་བོ་དྷི་ཙིཏྟ་ཨ་དྲ་ཨུ་པ་ཏ་ཡཱ་མི། །དེ་ནས་དམ་རྫས་
བྱིན་དབབ་པ། །ཧཱུྃ། ཡེ་ཤེས་སྒྱུ་མར་རོལ་པའི་ཐུགས་རྗེ་ལས། །བྱིན་རླབས་ཀུན་འབྱུང་རྟགས་དང་མཚན་མ་སྟོན། །དབང་དང་དངོས་གྲུབ་མ་ལུས་བདག་ལ་སྩོལ། །མཐུ་ཕྱུང་དམ་རྫས་འདི་ལ་བྱིན་ཅིག་ཕོབ། །
17-36
ས་མ་ཡ་ཧོཿ ས་མ་ཡ་སྟྭཾ། ས་མ་ཡ་ཨ་བེ་ཤ་ཡ་ཧཱུྃ།། །།
༄། །བཤགས་པ་དང་། མཆོད་རྫས་བྱིན་བརླབ།
དེ་ནས་བཤགས་པ་བྱ་བ་ནི། ཧཱུྃ། རང་སེམས་བྱང་ཆུབ་སེམས་སུ་མ་འབྱོངས་པས། །སྣང་ཚད་ཡེ་ཤེས་ལགས་པ་ངོ་
མ་ཤེས། །རིག་ཚད་དངོས་གྲུབ་ཡིན་པར་བརྡ་མ་འཕྲོད། །དེ་ཀུན་མི་འཆབ་ནོངས་པའི་སེམས་ཀྱིས་བཤགས། །ཨོཾ་ཡ་མཱནྟ་ཀ་ས་མ་ཡ། སོགས་པའི་ཡིག་བརྒྱ་ལན་གསུམ་བརྗོད། མཆོད་རྫས་བྱིན་བརླབ་ལ་བཞི་
ལས། ཧཱུྃ། ཡཾ་རཾ་ཁཾ་གིས་མཆོད་རྫས་ཐམས་ཅད་སྦྱངས། །ཨོཾ་ལས་ཀུན་བཟང་མཆོད་པའི་སྤྲིན་དུ་གྱུར། །ཨཱཿལས་ཐམས་ཅད་འདོད་དགུར་སྣང་བའི་ཆར། །ཧཱུྃ་ལས་ནམ་མཁའི་ཁམས་ཀུན་ཁྱབ་པར་འབབ། །ཨོཾ་ཨཱཿཧཱུྃ་པཱུ་
ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ་ཧྲཱི་ཐ། །ནང་མཆོད་བདུད་རྩི་བྱིན་བརླབ་ནི། ཧཱུྃ། ཐོད་དབུས་རིགས་ལྔ་སྙོམས་ཞུགས་བདུད་རྩི་ཞུ། །ཉི་བཀབ་རྟ་མགྲིན་སྦྱོར་མཚམས་བྱང་སེམས་
ཕབ། །བདག་གི་མཐེབ་མཛུབ་ཟླ་བས་ཟག་དང་འདྲེས། །མདངས་དྲི་རོ་བཅུད་གཏེར་ཆེན་དཔའ་བོས་བསྲུང་། །ཨོཾ་ཧཱུྃ་ཧྲཱིཿསྭཱ་ཧཱ། མུཾ་ཁཾ་པཾ་ཏཾ་ལཾ། ཨོཾ་ཨཱཿསརྦ་པཉྩ་ཨ་མྲྀ་ཏ་ཧཱུྃ་ཧྲཱི་ཐ། །གཏོར་མ་ཆེན་
པོ་བྱིན་བརླབས་པ། །ཧཱུྃ། རླུང་མེ་ཐོད་སྒྱེད་ཀཱ་ལིར་ལྔ་གཉིས་ཞུ། །ཨོཾ་ལས་འདོད་ཡོན་ཨཱཿལས་ཟླ་བས་བཀབ། །ཧཱུྃ་ལས་རྡོ་རྗེ་ཕྱེད་ལྟེར་དཀྱིལ་འཁོར་ལྷ། །བདུད་རྩི་བཀུག་གསོལ་རྗེས་ཆགས་དབྱིངས་ཕབ་དཀྲུགས།
17-37
ཨོཾ་ཨཱཿམ་ཧཱ་བ་ལིཾ་ཏ་ཏེ་ཛོ་བྷཱ་ལིཾ་ཏ་བྷ་ཏ་གུ་ཡ་ས་མ་ཡ་སྭཱ་ཧཱ། ། རཀྟ་རྣམ་བཞི་བྱིན་བརླབ་ནི། །ཧཱུྃ། བྷནྡྷ་ཟླ་བའི་གདན་དབུས་པདྨ་ར། །ཡོངས་གྱུར་རཀྟའི་རྒྱ་མཚོ་རྦ་
ཀློང་ཅན། །ནམ་མཁའ་ཁྱབ་དབྱིངས་ལྦུ་བའི་གུར་ནང་དུ། །གཱིརྟི་དམར་མོ་བྷ་གའི་རཀྟ་འབེབ། །ཨོཾ་ཨཱཿམ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿ །ཏིང་འཛིན་གསུམ་ལས་དེ་བཞིན་ཉིད། །ཧཱུྃ། སྐྱེ་མེད་རྣམ་དག་
ཆོས་དབྱིངས་ཕོ་བྲང་ནས། །ཐུགས་རྗེ་རོལ་པའི་བྱེ་བྲག་ཅི་བསྟན་ཀྱང་། །གཉིས་མེད་འབྲས་བུ་ཕྱག་རྒྱ་ཆེན་པོར་རྫོགས། །སྣང་སྟོང་གཉིས་མེད་ཡེ་ཤེས་སྒྱུ་མའི་སྐུ། །ཨོཾ་མ་ཧཱ་ཤཱུ་ནྱ་ཏ་ཛྙཱ་ན་
སྭ་བྷ་ཝ་ཨཱཏྨ་ཀོ྅་ཧཾ།། །།
༄། །ཏིང་འཛིན་སྒོམ་པ།
ཀུན་ཏུ་སྣང་བའི་ཏིང་འཛིན་ནི། ཧཱུྃ། ངོ་བོ་ཉིད་ནི་ཆོས་སྐུ་སྐྱེ་བ་མེད། །སྐྱེ་བའི་ཆོ་འཕྲུལ་སྣང་ལ་རང་བཞིན་བྲལ། །ཡོན་ཏན་ཡེ་ཤེས་མཚན་དང་དཔེ་བྱད་
ལྡན། །སྙིང་རྗེ་འགྱུར་བ་མེད་པའི་ངང་ལ་འཆར། །ཨཱཿདྷརྨ་ཧྲི་ཏུ་སྭ་བྷཱ་ཝ་བི་ཤུདྡྷོ་ཀོ་྅་ཧཾ།། །། རྒྱུའི་ཏིང་འཛིན་སྒོམ་པ་ནི། ཧཱུྃ། སྐུ་ནི་སྒྱུ་མའི་ཕྱག་རྒྱ་ཅིར་ཡང་སྣང་། །གསུང་ནི་ཁྲོ་
བོའི་རྔམ་སྒྲ་ལྔ་དང་ལྡན། །ཐུགས་ནི་སྣ་ཚོགས་ཆོ་འཕྲུལ་མཚོན་ཆ་བཞིན། །ལས་ཀྱི་སྐབས་ཀྱིས་ཕྱེ་བས་ཨེ་རུ་ཤར། །ཨོཾ་བཛྲ་ཙིཏྟ་ཧཱུྃ། ། འབྱུང་བ་བརྩེགས་མར་གསལ་བཏབ་པ། །ཨེ་ལས་ཨེ་ཡཾ་མཾ་སུཾ་ཀེཾ་རཾ་ཆད། །
17-38
ནམ་མཁའ་གྲུ་གསུམ་རླུང་གཞུ་ཁྲག་མཚོ་ཟླུམ། །གསེར་གཞི་གྲུ་བཞི་ཐོད་པའི་ལྕགས་རི་དང་། །པདྨ་དུར་ཁྲོད་རྡོ་ར་མེ་རིས་བསྐོར། །ཨེ་ཡཾ་མཾ་སུཾ་ཀེཾ་རཾ་མཎྜལ་ཧཱུྃ། །དེ་ནས་གཞལ་ཡས་ཁང་འདི་
འདྲར། ཧཱུྃ། མཐའ་དབུས་མེ་ཀློང་སྣ་ཚོགས་རྡོ་རྗེར་བྷྲཱུཾ། །ཕྱི་བལྟས་ཀུན་བཟང་རྒྱན་བཀོད་གཞལ་མེད་ཁང་། །གྲུ་བཞི་སྒོ་བཞི་རྟ་(དབུས་དང་བཅས་པ་)བབས་མཆོད་རྟེན་དབྱིབས། །ཁྱུང་གི་ཏོག་མཛེས་ནང་བལྟས་དུར་
ཁྲོད་ཁང་། །མ་ཐེམ་གླང་ཆེན་ཡས་འབྲུག་འགྲམ་གཉིས་སེང་། །སྒོ་ནི་སྟག་གཟིག་ཉི་ཟླའི་རྒྱུ་སྐར་ཅན། །རུ་སྦལ་ཀ་གདན་ལྷ་ཆེན་བརྒྱད་ཀྱི་ཀ །གཟའ་གཞུ་ཀླུ་གདུང་ཚངས་ལྕམ་ཞིང་གི་ཐོག །ཆུ་སྲིན་
པད་སྐོར་རྒྱུ་སྐར་དྲ་མིག་ཅན། །ཉ་སྦྲུལ་ཟར་ཚགས་ལྷ་མོ་རྒྱུ་སོགས་བརྒྱན། །དབུས་གླིང་མཁར་དགུ་བྱི་ཨེ་ཟླ་གམ་གསུམ། །འཁོར་ལོ་བཅུ་གཉིས་རྩིབས་ཁ་གྲུ་ཆད་བཞི། །ཁྱམས་འོབས་སོ་གཉིས་མུ་རན་
དྲུག་ཅུ་སྟེ། །ཀུན་ལ་གྲུ་གསུམ་ཐོད་པ་ལྕགས་ཀྱི་མཁར། །བྷྲཱུྃ་བི་ཤྭ་བི་ཤུདྡྷེ་ཀ་པཱ་ལ་བྷྲཱུཾ། །གཙོ་བོ་འཁོར་བཅས་ལྷ་བསྐྱེད་པ། །ཧཱུྃ། ཨེ་ཉིད་ཨེ་ཀ་ཛ་ཊཱི་འཕྲོ་འདུས་ཐིམ། །རྒྱུ་མེད་
ཀླུ་འབུམ་གཉན་ཁྲི་ས་བདག་སྟོང་། །ལྷ་ཆེན་ཕྱོགས་སྐྱོང་མ་ཧེས་བཏེགས་པའི་ཁྲིར། །འཁོར་ལོ་རྩིབས་སྟོང་པདྨ་ཟླ་ཉིའི་སྟེང་། །བཅོམ་ལྡན་དཔལ་ཆེན་ཕྱག་རྒྱ་ཟིལ་གནོན་སྐུ། །དུག་ཆེན་འཁྱིལ་འདྲ་མཐིང་ནག་གར་དགུའི་ཉམས། །
17-39
སྦོམ་ཞིང་གསུས་འཕྱང་ཡན་ལག་རགས་ལ་བརྗིད། །དབུ་གསུམ་ཕྱག་དྲུག་ཞབས་བཞི་གཡོན་པ་བརྐྱང་། །གཡས་དཀར་གཡོན་དམར་དབུས་མཐིང་དྲག་པོའི་ཞལ། །གདུག་པའི་མཆེ་གཙིགས་ཀླུ་གཉན་ས་བདག་ཟ། །ལྗགས་བསྒྲིལ་སྨ་ར་
ཨག་ཚོམས་སྨིན་མ་སེར། །སྤྱན་དམར་གསུམ་གསུམ་གཟིར་གཟིགས་ཁྲོ་གཉེར་བསྡུས། །རལ་པ་གཤོར་པོ་ཐོད་པ་རིགས་ལྔས་བརྒྱན། །གཡས་གསུམ་འཁོར་ལོ་རལ་གྲི་རྡོ་རྗེ་འཕེན། །གཡོན་གསུམ་བེ་ཅོན་གཏུན་ཤིང་སྡིགས་མཛུབ་
མཛད། །དྲེགས་པའི་མགོ་བཅད་སྙིང་བཅས་ག་ཤར་བྱས། །གླང་ལྤགས་སྟོད་གསོལ་ཞིང་དཀྲིས་སྟག་ཤམ་ཅན། །ཁྲག་ཞག་ཕྱག་རྒྱ་དྲུག་དང་སྦྲུལ་གྱིས་སྤྲས། །གཤོག་བརྒྱངས་འབར་བའི་འཕྲེང་བ་འཁྲུག་པར་རོལ། །གཡོན་ལོག་སྦྱོར་
ཡུམ་པེ་ཏཱ་ལི་མཐིང་ནག །སྙིང་བཟུང་ཁྲག་གི་མཚོ་བརྔུབ་གཟིག་ཤམ་ཅན། །གཡས་སུ་སྒྲོལ་ཡུམ་ཨེ་ཀ་ཛ་ཊཱི་སྔོ། །རལ་གྲི་གཡུ་སྤྱང་རེ་ལྡེའི་སྨད་གཡོགས་བརྒྱན། །གཡོན་དུ་དབྱིངས་ཡུམ་མུ་ཁ་ལེ་
དམར་སྨུག །ཁྲམ་འདེབས་ནད་རྐྱལ་བ་ལང་ཀོ་བ་དཀྲིས། །གསུམ་ཀ་གཏུམ་སྦག་དུར་ཁྲོད་ཆས་ཀྱིས་བརྒྱན། །རལ་པ་མུན་གཏིབས་རྔམ་པའི་གར་གྱིས་རོལ། །ལིང་ཚེ་ཕྱོགས་བཞིར་ཕྱོགས་སྐྱོང་ཕོ་མོའི་གདན། །ཕྱག་(ཤར་)
རྡོར་ལྗང་ནག་རྡོ་རྗེ་སྙིང་འཕྲེང་འཛིན། ཡ་(ལྷོར་)མ་སྨུག་པོ་འཁོར་ལོ་ཙིཏྟ་བསྣམས། །གཉིས་ཀ་དྲག་ཤུལ་ཆེ་ལ་ཆས་བརྒྱད་འཆང་། །གཡོན་བརྐྱང་འབར་བའི་དབུས་ན་བརྗིད་པར་འགྱིང་། །རུས་(ནུབ་)སྦལ་རྔམ་པ་མི་ཟན་དམར་སེར་ལ། 
17-40
མཆེ་སྡེར་གནམ་ལྕགས་ལྟོ་བ་སྲིད་པའི་ཁྱམས། །(བྱང་)བྱ་ཁྱུང་དཀར་པོ་གཤོག་པ་མེ་དང་མཚོན། །མཆུ་སྡེར་རྭ་ལྕགས་གཟི་མིག་སྦྲུལ་བཟུང་ཟ། །མཚམས་བཞིར་ཕྱོགས་སྐྱོང་ཕོ་མོ་བརྫི་བའི་ལྷ། །སེང་(མེ་)གེ་
སྟག་(སྲིན་)སྦྲུལ་(རླུང་)ཁྱུང་(དབང་)གདོང་གཤེད་པོ་བཞི། །རང་འདྲའི་ཡུམ་བཅས་རུསྦལ་གཡང་གཞི་གསོལ། །ཅེ་སྤྱང་ལ་ཞོན་རལ་གྲི་སྙིང་འཕྲེང་བཟུང་། །ཟླ་གམ་མཁར་ནང་གཉན་ཀླུ་ས་བདག་ཁྲིར། །སེང་གེ་སྟག་དང་
སྦྲུལ་ཞོན་ལས་གཤིན་གསུམ། །ཚེ་བདག་(རྒྱབ་)དབུ་དགུ་ཁྱུང་གསུམ་སྟག་གཟིག་དོམ། །དཀར་དམར་མཐིང་ཁྲོ་མདོག་ནག་བཅོ་བརྒྱད་ཕྱག །འཁོར་ལོ་རལ་གྲི་རྡོ་རྗེ་རྩེ་གསུམ་མདུང་། །མདའ་དབྱུག་རྒྱ་གྲམ་ལྕགས་ཀྱུ་གཡས་
དགུས་བསྣམས། །བེ་ཅོན་གཏུན་ཤིང་ཞགས་སྦྲུལ་སྡིགས་མཛུབ་དང་། །སྤུ་གྲི་དགྲ་སྟ་གཡང་གཞི་ཙིཏྟ་གཡོན། །དབྱིངས་ཕྱུག་རྒྱལ་མོ་དང་རོལ་ཞབས་བརྒྱད་བགྲད། །གཡས་སུ་འཆི་བདག་ནག་པོ་ཆུ་སྲིན་གདོང་། །གདེངས་ཀ་དགུ་
གཡོབ་སྨད་སྦྲུལ་རུསྦལ་གོས། །བེ་ཅོན་འཁོར་ལོ་བཟུང་ཡུམ་དུག་ཧྲུལ་མ། །གཡོན་དུ་སྲོག་བདག་དམར་པོ་མགོ་བཅུ་པ། །སྟེང་མ་བྱ་རོག་གཞན་ཁྲོ་བསེ་ཁྲབ་གྱོན། །ཁྲམ་ཤིང་འཁོར་ལོ་འཛིན་ཡུམ་ཁྲག་འཇིབ་
མ། །རྩིབས་དབུས་ཡ་མ་ར་(ཤར་)མཐིང་ཁྲག་མདོག་མ། །མྱོས་བྱེད་(ལྷོ་)འབར་བ་སེར་པོ་གསོད་བྱེད་མ། །ཨཱརྻ་(ནུབ་)དམར་པོ་སྲོག་ལེན་ནག་མོ་དང་། །རལ་(བྱང་)པ་ཚར་དགུ་ལྗང་ཁ་རལ་གཅིག་མ། །
17-41
ཡབ་རྣམས་བེ་ཅོན་འཁོར་ལོ་གླང་ལྤགས་བགོས། །ཡུམ་རྣམས་ཁྲམ་རྐྱལ་རུསྦལ་རླིད་བུ་གྱོན། །གཡས་(ཕྱོགས་པའི་ཤར་གྱི་མདུན་)ཟུར་དུང་མོན་སེང་མགོ་བླ་རྐུན་མ། །ལྕགས་(མཐིང་)མོན་སྟག་མགོ་གཡུ་ཡི་རལ་ཅན་
མ། །བསེ་(དམར་སེར་)མོན་དྲེད་མགོ་ཚེ་སྲོག་ཁྲག་རལ་ཅན། །གསེར་(སེར་)མོན་ཁྱུང་མགོ་སྙིང་འབྱིན་མོན་མོ་སྟེ། །ཕོ་རྣམས་སྟྭ་གྲི་ཙིཏྟ་གླང་ཆེན་ལྤགས། །མོ་རྣམས་ལྕགས་ཀྱུ་ཞགས་ཐོགས་རུསྦལ་གོས། །གཡོན་(ཕྱོགས་
པའི་ཤར་གྱི་རྒྱབ་)ཟུར་ཧེ་ལེ་ཁྱབ་(ནག་)པ་མི་གཟན་མ། །ནག་པོ་(ནག་)འཛུམ་མེད་སྙིང་ཁྲག་དུག་འཐུང་མ། །སོ་འདར་(ནག་)འཕྲིག་པ་ཤ་ལ་གཟེར་འབེབས་མ། །རལ་(ནག་)པ་སྤྱིར་བཅིངས་བདུད་མོ་
ཁྲག་རལ་མ། །བདུད་རྣམས་ཁྲམ་ཞགས་ལྤགས་པའི་གོ་ཟུ་དང་། །བདུད་མོ་སྤུ་གྲི་མི་སྙིང་རུསྦལ་ལྤགས། །གྲུ་བཞིའི་སྟེང་བར་འོག་ཁང་(རབ་འབྲིང་ཐ་གསུམ་གྱི་ཟླ་གཤེད་དུ་)སྒོ་ལོགས་གཡོན་(གསུམ)། ། བེ་པ་
ས་ནག་ནོར་བུ་དགེ་འཕེལ་སེར། །འཇོམས་བྱེད་སེར་ནག་ཕུང་བྱེད་རེ་མ་ཏི། །དགུ་ཁྲི་ནག་ལ་རཱཀྴ་གློག་འཕྲེང་དམར། །ཡཀྵ་གསོད་བྱེད་མཐིང་ནག་ཙཱ་མུཎྜི། །གཏུམ་པོ་ཀུན་འཇོམས་གཉིས་དཀར་རལ་གཅིག་དམར། །
འབར་མ་ཏི་དང་སྦྲུལ་མགོ་ཀུན་འཛིན་སྔོ། །ངང་པ་སྟོབས་སེར་གྱད་སྟོབས་ནག་འབར་མ། །ཕྱག་ན་བེ་ཅོན་འཁོར་ལོ་ཆུ་སྲིན་གོས། །མོ་བཞི་ཐལ་མདོག་ཁྲམ་རྐྱལ་མི་ལྤགས་ཅན། །ཁྱམས་འོབས་བདུད་(གསུམ་རིམ་དུ་བསྐོར་བ་ཕྱོགས་མཚམས་སུ་ལྕོག་བརྒྱད་བརྒྱད་ཡོད་པའི་ཤར་དང་མེར་)ནག་ཁྲམ་ཐོགས་རྟ་ཞོན་བརྒྱད། །
17-42
གཤིན་རྗེ་(ལྷོ་སྲིན་)བེ་ཅོན་འཁོར་ཐོགས་གླང་ཞོན་བརྒྱད། །མ་(ནུབ་རླུང་)མོ་ནད་(ནག་)རྐྱལ་ཟོར་ཐོགས་དྲེལ་ཞོན་བརྒྱད། །གནོད་(བྱང་)དབང་སྦྱིན་རལ་(ནག་)གྲི་ཞགས་ཐོགས་བྱ་ཞོན་བརྒྱད། །སྒོ་བཞིར་དུས་བཞིའི་བདག་
པོ་ཁྲོ་རྒྱལ་བཞི་(དཀར་སེར་དམར་ལྗང་)། །དཀར་པོ་སྙིང་འབྱིན་མ་ཧཱ་ཀཱ་ལ་དང་། །ཡབ་རྗེ་ནག་པོ་གནོད་སྦྱིན་དམར་པོ་རྣམས། །བེར་གསོལ་འཁོར་ལོ་བསྐོར་ཅིང་ཐུན་ཁྲག་འཕེན། །གཡོན་དུ་ཡུམ་ཆེན་རོ་
ལངས་ཆེན་མོ་བཞི། །(ཕྱག་གཡས་ཐམས་ཅད་)རོ་དབྱུག་(གཡོན་)ལྕགས་ཀྱུ་ཞགས་སྒྲོག་དྲིལ་བུ་འཛིན། །ཕྱི་ཁྱམས་གཤིན་རྗེ་བདུན་བརྒྱ་ཉི་ཤུའི་འཕྲུལ། །ཟ་གཤེད་ཕོ་མོ་དྲུག་ཅུ་(སྨུག་ནག་)དུར་ཁྲོད་ན། །རྒྱལ་ཆེན་
ཕྱོགས་སྐྱོང་བརྟན་མ་མཁའ་འགྲོ་དང་། །གཤན་པ་ཁྲག་སྐྱུག་དྲེགས་པ་ཀུན་གྱིས་བསྐོར། །འོད་ཟེར་ལྕགས་ཀྱུས་སྤྱན་དྲངས་པ། །ཧཱུྃ། དམིགས་མེད་མཁའ་ལྟར་དག་ཅིང་ཁྱབ་པའི་སྐུ། །གདན་དྲངས་གཤེགས་སུ་གསོལ་རྒྱུ་ཅི་
ཡོད་ཀྱང་། །ཐུགས་རྗེ་འགྱུར་བ་མེད་པའི་ངང་ཉིད་ནས། །དྲག་པོ་ཨེ་ཡི་དཀྱིལ་འཁོར་ཆེན་པོ་རུ། །བདུད་སྡེར་ཁྲོས་འཁྲུག་རྔམ་པར་ཆས་བཞིན་པའི། །འཇམ་དཔལ་ཚེ་བདག་རྩ་བ་གྱད་ཀྱི་ལྷ། །སྤྲུལ་པ་
ལས་གཤིན་བཀའ་ཉན་འཁོར་བཅས་སུ། །ཡེ་ཤེས་སྒྱུ་མར་རོལ་པས་སྤྱན་འདྲེན་ནོ། །ཨེ་ཀ་ཧེ་དུན་ཡ་མ་རཱ་ཙ་ས་མ་ཡ་ཧཱུྃ་ཛ་ཛ་བསྒོམས་དང་གཉིས་མེད་བཞུགས་གསོལ་བ། ཧཱུྃ། དམ་ཚིག་པ་དང་ཡེ་ཤེས་སེམས་དཔའ་ཞེས། །
17-43
མ་དག་གཉིས་འཛིན་སྣང་བས་གཟུང་བ་ཙམ། །གདོད་ནས་མཉམ་ཉིད་དབྱེ་རུ་མི་འཚལ་བས། །ཆུ་ལ་ཆུ་བཞག་ལྟ་བུར་བཞུགས་སུ་གསོལ། །ཡ་མ་རཱ་ཙ་ཛཿཧཱུྃ་བཾ་ཧོཿས་མ་ཡ་ཏིཥྛ་ལྷན། །དེ་ལ་
དབང་བསྐུར་བྱ་འདོད་པས། །ཡེ་ནས་སངས་རྒྱས་ཀུན་གྱི་ངོ་བོ་ཉིད། །རྡོ་རྗེ་འཆང་རྒྱལ་སྤྱི་གཟུགས་ཡིན་མོད་ཀྱང་། །མ་རྟོགས་སེམས་ཅན་ཐུགས་རྗེས་བསྒྲལ་བའི་ཕྱིར། །ཁྲོ་བོ་རོལ་པའི་ནུས་མཐུས་དབང་བསྐུར་
རོ། །ཨོཾ་ཧཱུྃ་སྭཱ་ཨཾ་ཧ་ཨ་བྷི་ཥིཉྩ་ཏུ་མཱཾ། ཨོཾ་ཨཱཿཧཱུྃ་གིས་རྒྱས་བཏབ་བོ། །དད་ཅིང་མོས་པས་ཕྱག་བྱ་བ། །ཧཱུྃ། ལྷ་ཡི་རྒྱལ་པོ་ལྷ་མཆོག་གཤིན་རྗེའི་གཤེད། །འགྲོ་བའི་དོན་མཛད་འཇམ་དཔལ་
ཚེ་བདག་ནག །ཡབ་ཡུམ་སྤྲུལ་པ་བཀའ་ཉན་འཁོར་བཅས་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །ཨེ་ཀ་ཧེ་དུན་ཡ་མ་རཱ་ཙ་ས་མ་ཡ་ནཱ་མོ་བྷྱོ། །མཆོད་པ་འབུལ་བ་བཞི་
ལས་ཕྱི། །ཧཱུྃ། སྣ་ཚོགས་མེ་ཏོག་འཕྲེང་བས་བཅིངས་པ་ནི། །འཇའ་ཚོན་སྣ་ལྔ་བས་ཀྱང་བཀྲག་རེ་མཚར། །བདུག་པ་སྤོས་ཀྱི་དུད་སྤྲིན་གཏིབ་པ་ནི། །དཔག་བསམ་ཡོངས་འདུ་བས་ཀྱང་བསུང་རེ་ཞིམ། །གསལ་
བྱེད་མར་མེ་མདུན་དུ་བདར་བ་ནི། །ཉི་མ་ཟླ་བ་བས་ཀྱང་མདངས་རེ་གསལ། །ཚངས་པའི་དག་བྱེད་གནྡྷེ་སྦྲེང་བ་ནི། །རྒྱ་མཚོ་ཆེན་པོ་བས་ཀྱང་གཏིང་རེ་ཟབ། །ཞིམ་དགུའི་ཞལ་ཟས་གཙང་མར་བཤམས་པ་ནི། །
17-44
ལྷ་ཡི་བདུད་རྩི་བས་ཀྱང་རོ་རེ་བདའ། །རྔ་སིལ་དུང་གླིང་རོལ་མོ་འབུལ་བ་ནི། །དྲི་ཟའི་པི་ཝང་བས་ཀྱང་སྒྲ་རེ་སྙན། །ཕྱག་རྒྱ་གར་འཆམས་མཆོད་པར་སྦྱར་བ་ནི། །མཐོ་རིས་ཟློས་གར་
བས་ཀྱང་བལྟ་རེ་བྲོད། །འདོད་པ་ལྔ་ཡི་ལྷ་མོ་བསྒྲིགས་པ་ནི། །འཆི་མེད་བུ་མོ་བས་ཀྱང་སྙིང་རེ་སྡུག །བླ་རེ་འཕན་གདུགས་རྒྱལ་མཚན་ཕྱེ་ཕུར་རྣམས། །ཀུན་བཟང་མཆོད་སྤྲིན་བས་ཀྱང་ཡ་རེ་
མཚན། །རལ་གྲི་མདའ་མདུང་མཚོན་ཆས་མཆོད་པ་ནི། །གཤིན་རྗེའི་འདུན་ས་བས་ཀྱང་ཞུད་རེ་ཆེ། །ཨོཾ་སརྦ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ། ནང་མཆོད་སྨན་རཀ་གཏོར་
མ་བསྒྲེང་། །ཧཱུྃ། རང་བྱུང་གདོད་ནས་རྣམ་དག་རིགས་ལྔའི་རྫས། །རྩ་བརྒྱད་སྟོང་ལ་སྦྱར་བའི་ར་ས་ན། །ཡེ་ཤེས་ལྔ་ལས་རང་བྱུང་དུག་ལྔའི་སྨན། །དམ་ཚིག་བདུད་རྩི་མཆོག་གི་མཆོད་པ་འབུལ། །ཨོཾ་
ཨཱཿཧཱུྃ་སརྦ་པཉྩ་ཨ་མྲྀ་ཏ་པཱུ་ཛ་ཧོཿ ཧཱུྃ། དྭངས་མའི་སྙིང་ཁྲག་བསྒྲལ་བ་ཤཱ་ནའི་ཁྲག །མཱུ་ལ་རྟེན་འབྲེལ་མཁའི་དབྱིངས་པདྨའི་ཁྲག །དུང་ཆེན་སྣོད་དུ་རྒྱ་མཚོར་འཁྱིལ་བའི་རྔ་། །འཇིགས་པའི་ལྦུ་འཕྲེང་
ཚོགས་པ་མཆོད་པར་འབུལ། ཨོཾ།་ཨཱཿཧཱུྃ་མ་ཧཱ་རཀྟ་པཱ་ཛ་ཧོཿ ཧཱུྃ། ཕྱི་སྣོད་འཇིག་རྟེན་ཁམས་ཀྱི་སྣོད་ཆེན་པོར། །ནང་བཅུད་སྲིད་པ་གསུམ་ལས་སྤྲུུས་པའི་རྫས། །འབྱུང་ལྔ་ལྷུན་གྲུབ་དཀར་དམར་སྣང་བ་བརྒྱན། །
17-45
དཔལ་གྱི་གཏོར་མར་གྲུབ་པ་མཆོད་པར་འབུལ། །ཨོྃ་ཨཱཿཧཱུྃ་མ་ཧཱ་བ་ལིངྐཱ་ཏེ་ཛོ་བ་ལིནྟ་པཱུ་ཙ་ས་མ་ཡེ་ཧྲི་མ་ཧཱ་བ་ལིནྟ་ཁ་ཁ་ཁཱ་ཧི་ཁཱ་ཧི། གསང་བ་སྦྱོར་དང་དེ་
སྒྲོལ་བ། ཧཱུྃ། ཤེས་རབ་པདྨ་ཐབས་ཀྱི་རྡོ་རྗེས་བསྲུབས། །དཀྱིལ་འཁོར་བཞིར་ཕབ་གསང་བའི་སྣར་བསྐྱིལ་བའི། །བྱང་ཆུབ་སེམས་ཀྱི་འཕྲོ་འདུས་ཁམས་གསུམ་ཀུན། །གཉིས་མེད་མཉམ་པར་སྦྱོར་བའི་མཆོད་པ་འབུལ། །སུ་ཁ་
པཱུ་ཛ་ཧོཿ སྦྱོར་བའི་ཡུམ་དང་གཉིས་མེད་རོལ། ། ཧཱུྃ། མ་རིག་གདུག་པའི་གཤིན་རྗེ་ཡོངས་ཀྱི་གཤེད། །རང་རིག་ཡེ་ཤེས་སྤྱི་གཟུགས་ཟིལ་གནོན་ལྷས། །གདོས་བཅས་སེམས་ཀྱི་གཟུང་འཛིན་དགྲ་བགེགས་རྣམས། །དམིགས་མེད་
ཨེ་རུ་བསྒྲལ་བའི་མཆོད་པ་འབུལ། །སརྦ་དུཥྚཱཾ་མཱ་ར་ཡ་པཱུ་ཛ་ཧོཿ དབྱིངས་སུ་དངོས་འཛིན་དགྲ་བགེགས་བསད།། །།
༄། །དངོས་གྲུབ་བླང་བ།
དེ་ནས་དངོས་གྲུབ་བླང་བ་ནི། །ཧཱུྃ། མཉམ་པ་ཉིད་ཀྱི་བརྟུལ་ཞུགས་ཀྱིས། །ཐབས་དང་ཤེས་
རབ་གཉིས་མེད་པར། །མ་འགགས་ཡེ་ཤེས་རྩལ་ཤར་བས། །བཾ་ཆེན་དམ་པ་དོན་དང་སྦྱར། །བརྟུལ་ཞུགས་སྔགས་ཀྱི་བྱིན་བརླབས་བསྐྱེད། །བཾ་ཆེན་རོ་ལ་མཉམ་པར་རོལ། །རྡོ་རྗེ་བརྗིད་པའི་དབང་ཐོབ་ནས། །བདེ་
ཆེན་མཉམ་ཉིད་རྟོགས་པར་ཤོག །ཨེ་ཀ་ཡ་མ་ཨ་ཏིབ་ཏིསྟིར་སིདྡྷི་ཧོཿ ཞེས་བརྗོད་སྟོང་ཉིད་རོ་ལ་རོལ། །དེ་ནས་བསྟོད་པ་འདི་བྱའོ།། ཧཱུྃ། ཆོས་ཀྱི་དབྱིངས་ནས་གོ་འབྱེད་གཟུགས་ཕུང་དགྲར། །ཕྱག་རྒྱ་ཟིལ་གནོན་མུན་པ་ཆེན་པོའི་སྐུ། །
17-46
རྔམ་པའི་དབུ་གསུམ་ཕྱག་དྲུག་ཞབས་བཞི་བགྲད། །བདེ་གཤེགས་ཁྲོ་བོའི་ཚོགས་རྗེར་ཕྱག་འཚལ་བསྟོད། །སྟོང་ཉིད་ཡེ་ཤེས་དངོས་འཛིན་མ་མོའི་དགྲར། །སྦྱོར་ཡུམ་སྒྲོལ་ཡུམ་དབྱིངས་ཡུམ་གཏུམ་པའི་གཟུགས། །དུར་ཁྲོད་ཆས་བརྒྱན་
ཁམས་གསུམ་དབང་དུ་སྡུད། །གཉིས་སྣང་གཅིག་ཏུ་སྦྱོར་ལ་ཕྱག་འཚལ་བསྟོད། །ཡེ་ཤེས་བཞི་ནི་འབྱུང་བཞི་ཕུང་བཞིའི་དགྲར། །སྲས་མཆོག་ཡ་མ་རཱ་ཙ་ཕྱག་རྡོར་དང་། །རུ་སྦལ་རྔམ་པ་མི་གཟན་གདུག་པའི་
ཁྱུང་། །རིགས་བཞིའི་ཁྲོ་རྒྱལ་སྤྲུལ་ལ་ཕྱག་འཚལ་བསྟོད། །སྤྲུལ་པ་བཞི་ནི་སྡེ་བརྒྱད་དྲེགས་པའི་དགྲར། །སེང་གེ་སྟག་ཆེན་སྦྲུལ་ནག་ཁྱུང་སྨུག་པོ། །རང་འདྲའི་ཡུམ་བཅས་དྲག་ཤུལ་ཆེན་པོའི་གཟུགས། །གྱད་གནོན་ཆེན་
པོར་རོལ་ལ་ཕྱག་འཚལ་བསྟོད། །སྐུ་གསུང་ཐུགས་ནི་ཉོན་མོངས་དུག་གི་དགྲར། །འཆི་བདག་སྲོག་བདག་ཚེ་བདག་བདུད་ཀྱི་བདུད། །ཡུམ་བཅས་མི་སྡུག་དགུར་རྫུ་མཚོན་ཆས་གསོད། །ལས་གཤིན་རྒྱལ་པོ་གསུམ་ལ་ཕྱག་
འཚལ་བསྟོད། །ཡེ་ཤེས་རང་མདངས་སྲིད་གསུམ་སྲོག་གི་དགྲར། །ཡ་མ་རཱ་ཛ་མྱོས་བྱེད་འབར་བ་དང་། །ཨརྱ་མ་རུར་རལ་པ་ཚར་དགུ་སྟེ། །སྲིན་མོའི་ཡུམ་བཅས་རོལ་ལ་ཕྱག་འཚལ་བསྟོད། །ཡང་སྤྲུལ་རྣམ་
པར་ཤེས་པ་བརྒྱད་ཀྱི་དགྲར། །རྔམ་པའི་མོན་པ་ཕོ་མོ་བཞི་བཞི་དང་། །རབ་འཇིགས་བདུད་བཞི་བདུད་མོ་ནག་མོ་བཞི། །བླ་རྐུ་ཚེ་འཕྲོག་མཛད་ལ་ཕྱག་འཚལ་བསྟོད། །ཉིང་སྤྲུལ་གླིང་བཞིའི་འགྲོ་བ་ཡོངས་ཀྱི་དགྲར། །
17-47
མ་རུང་ལས་བྱེད་འཆི་བདག་བཅུ་གཉིས་པོ། །ཕུང་བྱེད་སྦས་པའི་མ་མོ་བཞིས་འཁྱུད་ཅིང་། །ཤ་ཟ་ཁྲག་འཐུང་མཛད་ལ་ཕྱག་འཚལ་བསྟོད། །སྤྲུལ་པའི་ཕོ་ཉ་ཉམས་པ་རྣམས་ཀྱི་དགྲར། །བདུད་དང་གཤིན་རྗེ་
མ་མོ་གནོད་སྦྱིན་ཚོགས། །གཏུམ་པོ་གཞན་གྱིས་མི་ཐུབ་གྱད་འདྲ་བས། །དམ་ཚིག་ཅན་རྣམས་སྐྱོང་ལ་ཕྱག་འཚལ་བསྟོད། །ཆོས་སྐྱོང་ཆེ་རྣམས་བདུད་དང་མུ་སྟེགས་དགྲར། །དཀར་པོ་སྙིང་འབྱིན་ནག་པོ་ཆེན་པོ་
དང་། །ཡབ་རྗེ་ནག་པོ་གནོད་སྦྱིན་དམར་པོར་སྤྲུལ། །རོ་ལངས་མ་མོས་མཆོད་ལ་ཕྱག་འཚལ་བསྟོད། །གཞན་ཡང་གཤན་པ་གཏུམ་པོ་འཇིག་རྟེན་དགྲར། །གཤེད་ཆེན་བཅུ་དྲུག་མ་ར་ཁྲག་སྐྱུག་སྡེ། །དྲེག་པ་སུམ་
ཅུ་བསྟན་མ་མཁའ་འགྲོའི་ཚོགས། །སངས་རྒྱས་བསྟན་སྲུང་མཛད་ལ་ཕྱག་འཚལ་བསྟོད། །ད་ནི་འཛབ་ནི་རྣམ་པར་དབྱེ། །རང་ཐུགས་ཉི་འཁོར་བཅུ་གཉིས་རྩིབས། །སྲན་མ་ཙམ་དབུས་ཧཱུྃ་ལ་ནི། །སོ་སོའི་སྔགས་བསྐོར་
གསལ་བར་བལྟ། ཨེ་ཨ་ཀྲོ་ཏེ་ཀ་ཡ་མཱནྟ་ཀ་ཀཱ་ལ་རུ་པ་ཧྲིཥྚྀ་ཨ་བ་ལེ་ཧཱུྃ། གཙོ་བོ། ཨོཾ་ཨཱཿཧཱུྃ་ཛ་ཨེ་པེ་ཏ་ལི་ཀྲོ་ཏ་ཤྭ་རི་ཧཱུྃ། སྦྱོར་ཡུམ་ཨེ་མ་མ་ཨེ་
ཀ་ཛ་ཊི་ཧཱུྃ། སྒྲོལ་ཡུམ་ཨེ་དེ་མ་ཁ་ལ་བཾ་རིལ། རུ་ལུ་རུ་ལུ་བྷྱོ་ཧཱུྃ། དབྱིངས་ཡུམ་ཨེ་བཛྲ་ཀྲོ་དྷ་རོ་ཥ་ནི་ཧཱུྃ། ཕྱག་ཨེ་ཡ་མ་རཱ་ཛ་ཀྲོ་དྷ་ཧཱུྃ། གཤིན་ཨེ་མ་ཧཱ་བྷི་རུ་ཀ་ཡེ་ཧཱུྃ། 
17-48
རུ་སྦལ། ཨེ་ཁྲོཾ་ག་རུ་ཀ་ཧཱུྃ། ཁྱུང། ཨེ་ཀ་ཧེ་དུན་ཡ་མ་རཱ་ཙ་ཧཱུྃ། བྱད། ཨོཾ་ཡ་མ་དུ་ཤ་ཧཱུྃ། ཚེ། ཨོཾ་ཡ་མ་རཀྵ་ཧཱུྃ། སྲོག ཨོཾ་ཡ་མ་ཡཀྵ་ཧཱུྃ། འཆི། ཡ་མ་
རཱ་ཛ་སཏྭ་མེ་ཡཿ སྲིན། ཡ་མ་དོ་རུ་ཎ་ཡོ་ཏ་ཡཿ གཤིན། ཡ་ཏ་ཡོ་ནི་ར་ཡཀྵེ་ཡ། བདུད། ཡཀྵེ་རཱ་ཙ་ནི་ར་མ་ཡ། གནོད། ཙནྡྲ་རུ་དྲ་མོནྟ་ཛཿ དུང་། ཡ་མ་མོནྟ་
ཛཿ ལྕགས། རཀྵ་མོནྟ་ཛཿ བསེ། ཡཀྵ་མོནྟ་ཛཿ གསེར། དུ་ཏྲི་རུ་ལུ་ཧ་ཧ་ཡ། ཧེ་ལེ་དུ་རུ་ཡ་མ་སྙིང་དུ་ཡ། ནག །རུ་དྲ་བྷ་ཏི་རུ་ཤ་ཡཿ སོ། རུ་དྲ་ཡཀྵ་ཏྲིག་ན་
ཡཿ རལ། ཨེ་ཡ་མ་རཱ་ཙ་ཀྲོ་ནེ་ཀྲོ་ནེ། པ་ཏྲ་པ་ཏྲ། ཤཱུ་ལ་ཤཱུ་ལ། དྷ་ཤ་གྲི་བ། ཡཀྴ་གྲི་བ། རུ་ལུ་རུ་ལུ། ཧ་ཧ། ཡ་ཡ། ཟླ་བའི་བདུད། རུ་དྲ་ཧ་
ལ་ནག་པོ། ཡ་མ་དུ་ན་རཀྵ་ཡ། རུ་རུ་ཙ་བ་ལ་ཁ་ལ་རག་མོ་ཐུན་བྷྱོ། ཡཀྵ་ཏི་ན་ན་བཾ་བྷྱོ། ཞག །ཏྲི་ཙ་པ་ལ་ཨ་ཤུ་མེ་ཡ། མ་ཧཱ་ཀཱ་ལ་ཡ།
རུ་དྲ་དུ་རུ་ཡ། རཀྵ་རུ་ལུ་ཧ་ཧ་ཡ། སྒོ་ཡ་མ་ཡ་མ། དུ་ན་དུ་ན། ཤཾ་ཤུཾ། གྷྲྀ་ན་གྷྲྀ་ན། པ་ཙ་པ་ཙ། བེ་ར་བེ་ར། ཧ་ལ་ཧ་ལ། ཧུ་ལ་ཡ་ཧུ་ལ་ཡ། 
17-49
མ་མ་རུ་རུ། ན་ག་ཧ་དོ་ཏྲི་ཏ། ནྲི་ལ་དུ་ན་བྷྱོ། དུ་ན་བྷྱོ་ཡ། ཟ་མའི་འོད་ཟེར་འཕྲོས་པའི་འཕྲོ་འདུ་ལས། །འཕྲིན་ལས་གང་འདོད་ཤམ་བུར་བཅས། །གཙོ་ལ་ཁྲི་ལ་ཡུམ་
ལ་སྟོང་། །འཁོར་ལ་བརྒྱ་འཛབ་བཟླས་པས་འགྲུབ། །ཕོ་ནི་ཕྱི་ལ་མོ་ནི་གསང་། །ཕོ་སྣ་མོ་ཡིས་དྲངས་ལ་བསྙེན། །ཕོ་མོ་གོ་ཟློག་གོ་གྱུར་ན། །ཨེ་ཐུང་ཟླ་བ་གཅིག་གིས་འགྲུབ། ། དེ་ནས་མཆོག་
དང་ཐུན་མོང་གི །དངོས་གྲུབ་བླངས་ན་མྱུར་དུ་འགྲུབ། །སྒྲོལ་ཡུམ་ཐུགས་ཀའི་ཛ་ལས་ནི། །ཨོཾ་ལ་ཕོག་ཅིང་ཐུགས་དམ་བསྐུལ། །འོད་ཟེར་དཀར་འཕྲོས་བདག་གཞན་གྱི། །ལུས་སྦྱངས་རྒྱལ་བ་སྲས་སོགས་ཀྱི། །སྐུ་
ཡི་བྱིན་རླབས་བསྡུས་ནས་བསྟིམ། །ལུས་ནི་གཟི་བརྗིད་ལྡན་པར་བསམ། ཨོཾ་ཨེ་ཀ་ཡ་མ་ཧེ་དུ་ན་རཀྵ་དུན་དུན་ཛ་ཡ་ཧཱུྃ་ཕཊ། སྐུ་ཡི་བསྙེན་རྫོགས་སྔར་བཞིན་ཨཱཿ ཨེ་ཀ་ཧེ་དུན་ཡ་
མ་སྙིང་ཁྲག་ར་མ་ཙ་ཡ་ཧཱུྃ་ཕཊ། གསུང་གི་བསྙེན་རྫོགས་ཐུགས་ཧཱུྃ་གི་ཨེ་མྱགས་ཡ་བརྔུབས་མུ་ཀ་ཤག་ཀ་དུན་ཧཱུྃ་ཕཊ། ཐུགས་ཀྱི་བསྙེན་རྫོགས་ཏྲཱཾ་ལས་འོད། །སེར་པོ་ལོངས་སྤྱོད་ཀུན་བསྡུས་
ནས། །ཐོད་བཟང་ཁ་སྦྱོར་རྫས་ལ་ཐིམ། །ཡོན་ཏན་ཡིད་བཞིན་ནོར་ལྟར་བསམ། །ཧྲིཿལས་འོད་ལྗང་གཏོར་ཐུན་སོགས། །དྲག་པོའི་རྫས་ཕོག་མཐུ་ལྡན་བསམ། །ལྷག་པར་ལས་ཀྱི་ཕོ་ཉ་བསྟིམ། ཨྱེ་ཨྱེ་ཨྱེ་ཨ་ཀྲོ་ཏེ་ཀ་ཡ་མཱནྟ་ཀ །
17-50
ཡ་མ་ཡེ་ཨོཾ། ཀཱ་ལ་རཱུ་པ་ཀ་པ་ཡེ་ཨཱཿ ཧྲིཥྚི་ཨ་པ་ཡེ་ཧཱུྃ། ཨ་ཨ་ནེ་ཨ་ནེ། ཨུ་ཨུ་ནེ་ཨུ་ནེ། དུ་དུ་ནེ་དུ་ནེ། ཨ་ཨི། ཨུ་ཨེ། ཨོ་ཨཾ། ར་རི།
ལ་ལི། དུ་རུ་ཡེ། བྱ་ཙ་ཡེ། སིང་ཡེ། ཧྲི་ད་ཡེ། བྷི་ད་ཡེ། ཧ་ལ་ཡེ། མུ་ཁ་ཡེ། ཨུ་ཨུ་ནེ་ཨུ་ནེ། བི་ཀྲྀ་ཏ། ཨ་ཨ། ན་ན། ཡ་མ་རཱ་ཛ། ཡ་མ་
རཀྵ། ཡ་མ་རཀ་ཨ། ཡ་མ་རཀྵ། བེ་ཏ་ལི་ཀྲོ་དྷི་ཤྭ་རི་མ་མ་ཨེ་ཀ་ཛཱ་ཊི་དེ་མ་ཁ་ལ་བཾ་རིལ། རུ་ལུ་རུ་ལུ། ཤྲཱི་བཛྲ་ཀྲོ་དྷ་ཡ་མ་ཀརྨ་རོ་ཁ་
ཎ་ཀྲོ་དྷ་ཙཎྜ་རཀྵ་མོནསཏ་ཨཱ་ཧཱུྃ་ཛཿ འདི་ནི་རྒྱུན་དུ་བསྙེན་པ་ཡིན། །བཟློག་དཀྲུག་དམར་ལེན་འབྲུ་གཤག་ཀྱང་། །སྐབས་དང་བསྟུན་པས་ཤེས་པར་བྱ། །ཐོད་ཆང་ལ་སོགས་དངོས་གྲུབ་རྫས། །ཕྱི་སྣོད་ནང་
བཅུད་དྲེགས་པར་བསྟིམ། །འཁོར་བཅས་ཡུམ་ལ་ཡབ་ཡུམ་སྔགས། །དེ་ཧཱུྃ་ཧཱུྃ་ཡང་དངོས་གྲུབ་རྫས། །ཕུད་ནི་དཀོན་མཆོག་བར་མ་ཟ། །མཐའ་མ་སྒྲུབ་པའི་རྫས་སུ་བསྲེ། །འཛབ་བཟླས་ངལ་ན་བཤགས་པ་བྱ།། ཧཱུྃ།
ཡ་མཱནྟ་ཀ་གསན་ཅིང་དགོངས་སུ་གསོལ། །ཐོག་མ་མེད་པའི་དུས་ནས་བདག་ཅག་གིས། །ཟབ་མོ་གཤིན་རྗེའི་འཕྲིན་ལས་སྒོར་ཞུགས་ནས། །སྒོ་གསུམ་ཉོན་མོངས་དབང་གིས་ལས་བྱས་ནས། །བསྙེན་སྒྲུབ་ལས་སྦྱོར་དོན་གྱི་གཞུང་མ་སྙོགས། །
17-51
དམ་རྫས་མཆོད་གཏོར་དུས་ཀྱི་བསྐང་བ་ཆག །ཉམས་པ་དམ་མེད་རྣམས་དང་རྟག་ཏུ་འགྲོགས། །ཐུགས་དང་འགལ་བའི་ལས་རྣམས་ཅི་བགྱིས་པོ། །ཡ་མཱནྟ་ཀའི་ཚོགས་ལ་བཟོད་པར་གསོལ། །མཐོལ་ལོ་བཤགས་སོ་ཉམས་
པ་སྐོངས་གྱུར་ཅིག །སྒྲིབ་མེད་ཚངས་པའི་དངོས་གྲུབ་བདག་ལ་སྩོལ། ། །སྐུ་ལྔ་ཡེ་ཤེས་འབྲས་བུ་འགྲུབ་པར་མཛོད། །ཨོ་ས་མ་ཡཿ ཨ་ས་མ་ཡཿ ཧཱུྃ་ས་མ་ཡཿ ཡ་མ་རཱ་ཙ་ས་མ་
ཡ་ཧོཿ བསྔོ་བ་སྨོན་ལམ་ཕྱག་རྒྱ་ཆེའོ། །བྱིན་བརླབ་སྤྱན་འདྲེན་མཆོད་བཤགས་བསྒྲལ། །ལྷག་བསྔོ་ཆད་རྡོ་བསྐུལ་སྒོ་དབྱེ། །ལམ་བསྟན་བཟློག་ཟོར་བསྟན་མ་སྐྱོང་། །མནན་བྲོ་རྗེས་ཆོག་སྨད་ཀྱི་ལས། །བྱིན་བརླབ་གཡང་
གཞིར་ཚོགས་བཤམས་ཏེ། །ཧཱུྃ། རྡོ་རྗེ་ལྟ་བུའི་ཏིང་འཛིན་གྱིས། །ཆོས་ཀུན་སྒྱུ་མར་རྟོགས་པའི་མཐུས། །ཚོགས་ཀྱི་སྣོད་རྫས་མ་དག་པ། །རཾ་ལས་སྤྲོས་པའི་མེ་ཡིས་བསྲེགས། །ཡཾ་ལས་སྐྱེས་པའི་རླུང་གིས་གཏོར། །
ཁཾ་ལས་གྲུབ་པའི་ཆུ་ཡིས་བཀྲུས། །ཨོཾ་གྱིས་འདོད་སྦྱངས་ཨཱཿཡིས་སྤེལ། །ཧཱུྃ་གིས་སྤར་ཧོཿབདུད་རྩིར་བྱས། །ཨོཾ་ཨཱཿཧཱུྃ་ཧོ་ག་ཎ་ཙཀྲ་ཧཱུྃ་ཧྲཱི་ཐ། དེ་ལྟར་བྱིན་བརླབས་སྤྱན་འདྲེན་པ། ཧཱུྃ། བྱིན་བརླབས་གཏེར་ཆེན་
བླ་མ་དང་། །དངོས་གྲུབ་མཆོག་སྩོལ་ཡི་དམ་མཆོག །ཕྱག་རྒྱ་ཟིལ་གནོན་དཀྱིལ་འཁོར་ལྷ། །ཞི་ཁྲོ་རྒྱལ་བ་རྒྱ་མཚོར་བཅས། །འཕྲིན་ལས་བསྒྲུབ་པའི་མཁའ་འགྲོ་མ། །དམ་ཅན་ཆོས་སྐྱོང་གཏེར་བདག་རྣམས། །དད་པ་དང་ནི་དམ་ཚིག་གིས། །
17-52
ཡེ་ཤེས་ཚོགས་ལ་སྤྱན་འདྲེན་ནོ། །ཞེས་པས་མདུན་གྱི་མཁའ་ལ་བྱོན། དེ་ལ་དམིགས་པས་དང་པོར་མཆོད། ཧཱུྃ། དམན་པའི་ཡུལ་ལས་རབ་འདས་ཤིང་། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཡོངས་ཀྱི་
གཞིར་གྱུར་པ། །ཡེ་ཤེས་ཚོགས་ཀྱི་མཆོད་པ་འབུལ། །སྒྲིབ་པའི་དྲི་མ་ཀུན་བསལ་ཞིང་། །རྟོག་པ་ཀུན་ལས་ངེས་གྲོལ་བས། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །ག་ཎ་
ཙཀྲ་པཱུ་ཛ་ཁཱ་ཧི། བར་པ་བཤགས་པ་འདི་ལྟར་བྱ། ཧཱུྃ། དངོས་མེད་མཁའ་འདྲར་མ་ཤེས་པས། །དངོས་འཛིན་ཉོན་མོངས་རང་གར་སྤྱད། །རུ་དྲའི་རྒྱུ་བསགས་དམ་འདས་པའི། །ཉེས་པ་ཐམས་ཅད་མཐོལ་ཞིང་
བཤགས། །ཐ་མ་བསྒྲལ་ལ་འདི་དག་དགོས། །གསེར་སྐྱེམས་འཐོར་ཞིང་གཟུ་དཔང་བསྐྱེད། །ཕོ་ཉ་བསྐུལ་ལ་དགུག་བསྟིམ་དབྱེ། །ཤགས་གདབ་ཐུན་བརྡེག་བསྟབ་པ་བྱ། །གསེར་སྐྱེམས་གཞན་ནས་གཟུ་དཔང་འདི། །ཧཱུྃ། བཀའ་དྲིན་འཁོར་
མེད་རྡོ་རྗེ་སློབ་དཔོན་དང་། །ཆོས་རྣམས་མ་ལུས་མཁྱེན་པའི་བཅོམ་ལྡན་འདས། །བརྩེ་བས་རྗེས་སུ་འཛིན་པའི་ཐུགས་རྗེ་ཅན། །འཕྲིན་ལས་ཐོགས་མེད་བསྒྲུབ་པའི་ཡི་དམ་ལྷ། །མཐུ་སྟོབས་རྫུ་འཕྲུལ་ལྡན་པའི་ཆོས་
སྐྱོང་དང་། བདེན་རྫུན་ཤན་འབྱེད་འཇིག་རྟེན་དྲེགས་པའི་ཚོགས། །སྒྲིབ་མེད་ཐུགས་ཀྱིས་བདག་ལ་དགོངས་སུ་གསོལ། །བདག་ནི་ཟོལ་མེད་ངེས་པའི་རྣལ་འབྱོར་པ། །འགྲོ་བའི་དོན་དུ་བྱང་ཆུབ་སེམས་བསྐྱེད་ནས། །ཕ་རོལ་ཕྱིན་དྲུག་ལམ་ལ་རབ་ཞུགས་ཏེ། །
17-53
རྩེ་གཅིག་སངས་རྒྱས་གོ་འཕང་སྒྲུབ་པ་ལ། །དགྲ་དང་བགེགས་ཀྱིས་བསྒྲུབ་ཏུ་མ་སྟེར་བས། །ཀུན་མཁྱེན་མགོན་པོས་གཟུ་དང་དཔང་མཛོད་ཅིག །བདེ་གཤེགས་རྒྱལ་བ་སྲས་བཅས་ར་མདར་སློག །བཀའ་སྲུང་དྲེགས་པའི་
ཚོགས་བཅས་ལས་ལ་ཆོས། །ཀུན་མཁྱེན་ཡེ་ཤེས་སྤྱན་ལྡན་ཁྱེད་རྣམས་ལ། །མི་བདེན་རྫུན་གྱིས་མགོ་བསྐོར་སུ་ཡིས་ནུས། །བདག་ནི་མ་ཉེས་མ་ལན་རྣལ་འབྱོར་པ། །ཟོལ་མེད་སྙིང་གི་དཀྱིལ་ནས་ར་མདར་
འབོད། །ཀུན་མཁྱེན་མགོན་པོས་གཟུ་དང་དཔང་མཛོད་ཅིག །བདེ་གཤེགས་རྒྱལ་བ་སྲས་བཅས་ར་མདར་སློག །བཀའ་སྲུང་དྲེགས་པའི་ཚོགས་བཅས་ལས་ལ་ཆོས། །མཁྱེན་བརྩེ་ནུས་པའི་བདག་ཉིད་ཁྱེད་རྣམས་ལ། །བདག་གི་ལུས་
ངག་ཡིད་ཀྱི་རེ་ལྟོས་བཅས། །བདག་ལ་མགོན་སྐྱབས་དཔུང་གཉེན་གཞན་ན་མེད། །ཉེས་མེད་བདག་ལ་དགྲ་དང་བགེགས་བྱུང་བས། །ཀུན་མཁྱེན་མགོན་པོས་གཟུ་དང་དཔང་མཛོད་ཅིག །བདེ་གཤེགས་རྒྱལ་བ་སྲས་བཅས་ར་
མདར་སློག །བཀའ་སྲུང་དྲེགས་པའི་ཚོགས་བཅས་ལས་ལ་ཆོས། །འགྲོ་བའི་ཕན་བདེ་མ་ལུས་འབྱུང་བའི་གཞི། །སངས་རྒྱས་བསྟན་པའི་རྩ་ལག་འདི་ཡིས་བཤིག །དཀོན་མཆོག་དབུ་འཕང་གཉེན་པོ་འདི་ཡིས་སྨད། །མཚན་ལྡན་
བླ་མའི་སྐུ་ལ་འདི་ཡིས་བསྡོས། །བསྟན་རྩ་དགེ་འདུན་སྡེ་རྣམས་འདི་ཡིས་བཅོམ། །གཙུག་ལག་ཁང་དང་ཆོས་འཁོར་འདི་ཡིས་བཤིག །འགྲོ་དྲུག་སེམས་ཅན་ཀུན་ལ་འདི་ཡིས་འཚེ། །ལམ་བཟང་དགེ་བ་བཅུ་པོ་ཁྱད་དུ་བསད། །
17-54
ལུགས་ངན་མི་དགེ་བཅུ་པོ་དང་དུ་ལེན། །མཚམས་མེད་ལྔ་ལ་དགའ་ཞིང་སྤྱོད་པ་འདིས། །རྣལ་འབྱོར་བདག་ལ་ལྷ་མེད་ཟེར་ནས་སྨོད། ། སྲུང་མ་ཁྱེད་ལ་མཐུ་མེད་ཟེར་ནས་བརྙས། །ཀུན་མཁྱེན་མགོན་པོས་
གཟུ་དང་དཔང་མཛོད་ཅིག །བདེ་གཤེགས་རྒྱལ་བ་སྲས་བཅས་ར་མདར་སློག །བཀའ་སྲུང་དྲེགས་པའི་ཚོགས་རྣམས་ལས་ལ་ཆོས། །འདི་ལ་མཐུ་དང་ནུས་པས་མི་འདུལ་ན། །བཀའ་སྲུང་གཉེན་པོའི་མཚན་གྱིས་ཅི་ཞིག་
བྱེད། །འདི་ལྟར་ཀུན་ལ་གནོད་པའི་དགྲ་བགེགས་ལ། །མངོན་སྤྱོད་དྲག་པོའི་མཐུ་རྩལ་མྱུར་དུ་ཕྱུང་། །ཐུགས་དམ་དུས་ལ་བབ་བོ་ས་མ་ཡ། །ཀུན་མཁྱེན་མགོན་པོས་གཟུ་དང་དཔང་མཛོད་ཅིག །བདེ་གཤེགས་རྒྱལ་
བ་སྲས་བཅས་ར་མདར་སློག །བཀའ་སྲུང་དྲེགས་པའི་ཚོགས་བཅས་ལས་ལ་ཆོས། །བྲུབ་ཁུང་ཉ་བོ་འདི་ལྟར་བསྐྱེད། ཨེ་ལས་འབྲུབ་ཁུང་འདི་ཉིད་གནམ་ལྕགས་ཀྱི་ཁང་སྒྲོམ། ལས་ཀྱི་གཤིན་རྗེའི་བཙོན་ཁང་། རྔམ་
ནག་ལ་གཏིང་རིང་བ་དབང་ཆེན་གསེར་གྱི་ས་གཞིའི་འོག་ཏུ་སླེབ་པ། འདོད་ཆགས་ཀྱི་ཁྲག་མཚོ་འཁྱིལ་བ། ཞེ་སྡང་གི་མེ་དཔུང་འབར་བ། གཏི་མུག་གི་མུན་པ་གཏིབས་པ། ང་རྒྱལ་གྱི་བྲག་
རི་གཏམས་པ། ཕྲག་དོག་གི་རླུང་དམར་འཚུབ་པ། མཚོན་ཆ་སྣ་ཚོགས་ཀྱི་ཆར་འབབ་པ། དུག་དང་ནད་ཐམས་ཅད་ཀྱི་ན་བུན་འཐིབས་པ། དེའི་ནང་དུ་རྣྲི་ལས་བྱད་མ་ནག་ལ་ཧཾ་པ། སྔོ་ལ་རིད་པ། 
17-55
ཤིན་ཏུ་ཉམ་ཐག་པ་གན་རྐྱལ་དུ་བསྒྱེལ་བ། མིག་ཤི་མིག་ཏུ་ལྟ་བ་ཡན་ལག་ལྕགས་སྒྲོག་གིས་བསྡམས་པ་ཅིག་ཏུ་གྱུར། ན་མོ་སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་
དང་། དགེ་འདུན་གྱི་བཀའ་བདེན་པ་དང་། ཁྲོ་བོའི་རྒྱལ་པོ་འཇམ་དཔལ་གཤིན་རྗེའི་གཤེད་པོ་ཕྱག་རྒྱ་ཟིལ་གྱིས་གནོན་པའི་ལྷ་ཚོགས་རྣམས་ཀྱི་བཀའ་བདེན་པ་དང་། བདེན་པ་ཆེན་པོ་འདིའི་བྱིན་གྱིས་བརླབས་
ཀྱིས་རྣལ་འབྱོར་པ་བདག་ཅག་ལ་སྔ་དགྲ་ལག་ལ་བརྡར་བ། ཕྱིས་དགྲ་ཡིད་ལ་སེམས་པ། ད་དགྲ་དངོས་སུ་བྱེད་པ། གཟུགས་ཅན་སྡང་བར་བྱེད་པའི་དགྲ། །གཟུགས་མེད་གནོད་པར་བྱེད་པའི་བགེགས་ཐམས་
ཅད་སྐད་ཅིག་ཡུད་ཅིག་ལ་དམིགས་པའི་ཉའུ་འདི་ལ་ལྕགས་ཀྱུ་ཅན་རྣམས་ཀྱིས་ཁུག་ཅིག །ཞགས་པ་ཅན་རྣམས་ཀྱིས་ཆིངས་ཤིག །ལྕགས་སྒྲོག་ཅན་རྣམས་ཀྱིས་སྡོམས་ཤིག །དྲིལ་བུ་ཅན་རྣམས་ཀྱིས་མྱོས་ཤིག །ལན་
གསུམ་བྱས་ནས་ཕོ་ཉ་བསྐུལ། ཧཱུྃ། ཆོས་ཀྱི་དབྱིངས་ནས་འཇམ་དཔལ་ཧེ་རུ་ཀ །ཤིན་ཏུ་ཁྲོས་ནས་དགྲ་བགེགས་དགུག་པའི་ཕྱིར། །གཤིན་རྗེའི་ལས་བྱེད་ཐམས་ཅད་ཕོ་ཉར་འགྱེད། །ལྕགས་ཀྱུ་དཀར་མོའི་ཚོགས་ནི་
སྐར་ལྟར་འཕྲོ། །ཞགས་པ་སེར་མོའི་ཚོགས་ནི་སྤྲིན་ལྟར་གཏིབས། །ལྕགས་སྒྲོག་དམར་མོའི་ཚོགས་ནི་གློག་ལྟར་འགྱེད། །དྲིལ་བུ་ལྗང་མོའི་ཚོགས་ནི་ཐོག་ལྟར་འབེབས། །ཐམས་ཅད་ཁྲོས་པའི་ང་རོ་འབྲུག་ལས་ཆེ། །རྒྱུག་པའི་ཤུགས་ནི་བར་སྣང་འཁྱུག་ལས་མྱུར། །
17-56
གཏུམ་པའི་བརྗིད་ནི་གནམ་ས་འཕར་ཞིང་ལྡེག །ཡིད་ལ་གནག་པའི་དགྲ་བགེགས་གར་འདུག་མཁྱེན། །ལྕགས་ཀྱུས་སྙིང་ཕུག་ཞགས་པས་སྐེ་ནས་ཆིངས། །ལྕགས་སྒྲོག་གིས་སྡོམས་དྲིལ་བུས་མཉེད་བཞིན་དུ། །ལས་ཀྱི་རླུང་དམར་
འཚུབ་པའི་ཁར་བསྐྱོན་ལ། །གཟུགས་བྱང་འདི་ལ་བསྟིམ་པའི་དུས་ལ་བབ། །དགུག་པ་ཨྱཻ་རིང་ཤམ་བུར་འདི། །དགྲ་བོ་ཆེ་གེ་མོ་ཨཱ་ཀརྵ་ཡ་ཛཿཆེ་གེ་མོའི་ཨཱ་ཡུར་ཛྙཱ་ན་ཨཱ་ཀརྵ་ཡ་ཛཿ
ཆེ་གེ་མོའི་ཏྲི་ཡཾ་ནི་ཨཱ་ཀརྵ་ཡ་ཛཿ ཆེ་གེ་མོའི་རཱུ་པ་ཀནྟ་ཨཱ་ཀརྵ་ཡ་ཛཿ པྲ་བེ་ཤ་ཡ་ཕཊ། ལིང་གའི་ཁོག་ཕྱེ་དེར་བསྟིམ་ཕྱིར། ཨ་བེ་ཤ་ཡ་ཨ། བསྟིམ་དབྱེ་ནམ་
ཕྱེད་ཉིན་ཕྱེད་ལ། །མི་གཙང་རྫས་ལ་ཉའུར་བདུག །བྱ་རོག་འུག་པའི་དང་རུས་བྱབ། །ཧཱུྃ། ལས་ཀྱི་གཤིན་རྗེ་ཐམས་ཅད་དང་། །བདག་གི་སྲུང་མ་དམ་ཅན་རྣམས། །དགྲ་བོའི་ལྷ་ལྔ་དབང་དུ་བསྡུས། །དགྲ་
བོའི་ཡུལ་ལྷ་མནོལ་དུ་ཆུག །དགྲ་བོའི་ཕོ་ལྷ་གྱེས་སུ་ཆུག །དགྲ་ལྷ་ཡར་ནི་འཐོར་དུ་ཆུག །མ་ལྷ་མ་སྨན་ཡར་དུ་ཆུག །སྲོག་ལྷ་དང་ནི་འཕྲོལ་ལ་ཤོག།།ཨོཾ། ཀཱ་ཀ་མུ་ཁ་མཐུ་
མོ་ཆེ། །མཐིང་ནག་ཆེན་མོ་བྱ་རོག་དབུ། །རྟོག་མེད་ཟས་སུ་ཤ་ལ་དགའ། །ཁྱེད་ཀྱི་ཐུགས་དམ་དུས་ལ་བབ། །ཧཱུྃ། ཨུ་ལཱུ་མུ་ཁ་མཐུ་མོ་ཆེ། །སེར་ནག་ཆེན་མོ་འུག་པའི་མགོ །ཉིན་མཚན་མེད་པར་འཇིག་རྟེན་རྒྱུ། །
17-57
ཁྱེད་ཀྱི་ཐུགས་དམ་དུས་ལ་བབ། །ལྷ་དང་དགྲ་རུ་ཕྲོལ་ལ་ཤོག །ལུས་དང་སྲུང་མར་ཕྲོལ་ལ་ཤོག །ཁྱོ་དང་ཆུང་མར་ཕྲོལ་ལ་ཤོག །ཕ་དང་བུ་རུ་ཕྲོལ་ལ་ཤོག །གཉེན་དང་ཉེ་བར་ཕྲོལ་
ལ་ཤོག །ཕུ་བོ་ནུ་བོར་ཕྲོལ་ལ་ཤོག། །ལྷ་སྲུང་གནམ་གྱི་མཐའ་ལ་བདོས། །དགྲ་བོ་རྡུལ་དུ་བརླག་པར་གྱིས། །ཨེ་རིང་ཤམ་བུར་འདི་གཏགས་བཟླས། །ཆེ་གེ་དེ་ཝ་ཀ་པ་ཡེ་ཨེ་ཛ་ལ་
ཛ་ལ། ར་ཙ་ཕྱེ། ཨ་ཤག་ཤག་ཡ་མ་ཕྱེ། ཡ་མ་ཕྱེ་ཡ། སྤུ་ར་སྤུ་ར། ཡུས་ཡུས། ལང་ལང་། སེང་སེང་། ཕུས་ཕུས། ཆེ་གེ་མོ་ཡུལ་ལྷ་དང་ཕྱེ། དགྲ་ལྷ་དང་ཕྱེ། སྲོག་ལྷ་
དང་ཕྱེ། ཕོ་ལྷ་དང་ཕྱེ། མོ་ལྷ་དང་ཕྱེ། དེ་ནས་ཤགས་གདབ་འདི་ལྟར་བྱ། ཧཱུྃ། དུག་ལྔ་འདུས་པའི་སྡོང་པོ་ལ། །ཕུང་པོ་ལྔ་ཡི་ཡན་ལག་རྒྱས། །ཤ་ཁྲག་ཚོགས་པའི་ལུས་སུ་སྨིན། །ཉོན་
མོངས་དབང་གིས་སྣ་ཁྲིད་ནས། །གཟུང་བའི་ཡུལ་ལ་འཛིན་པ་ཞུགས། །དཀར་པོའི་ཆོས་ལ་ལོག་ལྟ་སྐྱེས། །བསྟན་པ་གཉན་པོའི་རུ་ཏྲ་བྱས། །དཀོན་མཆོག་གསུམ་གྱི་དབུ་འཕང་སྨད། །གསང་སྔགས་གཉན་ལ་སྐུར་པ་
བཏབ། །བླ་མ་རྣམས་ཀྱི་སྐུ་ལ་བསྡོས། །སེར་ཆགས་ཡོངས་ལ་ཁ་སྨྲས་བཙུགས། །རྣལ་འབྱོར་བདག་ལ་ཤིན་ཏུ་སྡང་། །སེམས་ཅན་ཡོངས་ལ་འཚེ་བ་བྱས། །མ་འོངས་སྐྱེ་བ་ཕྱི་མ་ལ། །རུ་ཏྲར་འགྱུར་བའི་ཞིང་བཅུ་ཚང་། །
17-58
གདུག་པའི་དགྲ་བགེགས་ལས་ངན་ཁྱོད། །མགོན་དང་སྐྱབས་ནི་གཞན་མེད་པས། །སྔར་བྱས་ལས་ཀྱི་འབྲས་བུ་མྱོང་། །ལས་ངན་འཛད་པ་མེད་པས་ན། །སྔགས་འཆང་རྒྱལ་པོ་བདག་ཅག་གིས། །ཁྱོད་ལ་བརྩེ་བས་སྡུག་
བསྔལ་ཕྲོལ། །དད་པའི་སེམས་ཀྱིས་ང་ལ་ཉོན། །དུངས་བའི་སེམས་ཀྱིས་ང་ལ་ལྟོས། ཁྱོད་ལ་མགོན་དུ་ང་ལས་མེད། །ང་ཡིས་སྨྲས་པའི་ངག་ལ་ཉོན། །ལིང་ག་འདི་ལ་ཁྱོད་འདུག་ཚེ། །འདི་ནི་ཁྱོད་
ཀྱི་གཞལ་ཡས་ཁང་། །ལྕགས་ཀྱུའི་ཕྱག་རྒྱས་བཟུང་ཙ་ན། །འཁོར་བའི་གནས་ནས་འདྲེན་པ་ཡིན། །ལྕགས་སྒྲོག་དྲ་བས་བསྡམས་ཙ་ན། །འཁོར་བའི་དོང་ཁ་སྡོམ་པ་ཡིན། །སྣ་ཚོགས་ཐུན་གྱིས་བྲབས་ཙ་ན། །ལས་
ངན་རྣམས་དང་ཕྲལ་བ་ཡིན། །དྲག་པོའི་མཚོན་ཆས་གཏུབས་ཙ་ན། །དུག་གསུམ་རྩད་ནས་གཅོད་པ་ཡིན། །ཤ་ཁྲག་ཚོགས་སུ་བསྐོར་ཙ་ན། །སྐྱེ་ཤིའི་རྩ་བ་བཅད་པ་ཡིན། །ལུས་ངག་ཡིད་ལ་མ་ཆགས་
ཤིག །ལས་ངན་འདི་ལ་མ་ཞེན་ཅིག །ཅེས་བརྗོད་ཐུན་རྡེག་རིམ་པས་བཤད།། །།
༄། །ཕུར་པ་ལག་བསྒྲིལ་བསྐྱེད་པ།
ཕུར་པ་ལག་བསྒྲིལ་བསྐྱེད་པ་ནི། ཧཱུྃ། བདག་ནི་འཇམ་དཔལ་ཧེ་རུ་ཀ །གཡས་པ་ཐབས་ཀྱི་རང་བཞིན་ལས། །རིགས་ཀྱི་ཡབ་
ལྔའི་ངོ་བོར་གསལ། །གཡོན་པ་ཤེས་རབ་རང་བཞིན་ལས། །རིགས་ཀྱི་ཡུམ་ལྔའི་ངོ་བོར་གསལ། །ཐབས་དང་ཤེས་རབ་སྦྱོར་བ་ལས། །མཐིང་ནག་ཧཱུྃ་ལས་སྐྱེས་པའི་ལྷ། །སྲས་མཆོག་བཛྲ་ཀཱི་ལ་ཡ། །ལྟེ་བ་ཡན་ཆད་སྐུ་སྟོད་ནི། །
17-59
དབུ་གསུམ་ཕྱག་དྲུག་རྡོར་གཤོག་ཅན། །དུས་གསུམ་འཕྲིན་ལས་འདུས་པའི་སྐུ། །ལྟེ་བ་མན་ཆད་སྐུ་སྨད་ནི། །ཡེ་ཤེས་ཕུར་པའི་དབལ་དང་ལྡན། །སྟོད་དུ་བླ་མ་དཀོན་མཆོག་གསུམ། །འཆང་གཟུང་ཚེ་བདག་དཀྱིལ་
འཁོར་ལྷ། །ཟུར་གསུམ་སེང་ལ་བཀའ་གཉན་རྣམས། །གནས་གསུམ་ཡི་གེའི་འོད་ཟེར་འཕྲོས། །ཉའུའི་ལུས་ངག་ཡིད་བཀྲུས་ནས། །ཕྱོགས་བཅུའི་བདེ་གཤེགས་ཐམས་ཅད་ཀྱི། །སྐུ་གསུང་ཐུགས་ཀྱི་བྱིན་རླབས་བསྡུས། །རྡོ་རྗེ་ཕུར་པ་
ཉིད་ལ་ཞུགས། །མཐུ་རྩལ་རྨད་བྱུང་མངའ་གསོལ་བས། །འགྱིངས་དང་བསྒྲགས་དང་གཡོ་ཙམ་གྱིས། །ཁམས་གསུམ་དུས་གཅིག་སྒྲོལ་ནུས་གྱུར། །བསྒྲིལ་པ་ཙམ་གྱིས་སྲིད་གསུམ་འདར། །འཕྱར་བ་ཙམ་གྱིས་ཁམས་གསུམ་དངངས། །བཏབ་ན་
སྟོང་གསུམ་ཡུད་ཀྱིས་བརླག །གནོད་བྱེད་དགྲ་བགེགས་སྨོས་ཅི་དགོས། །ཨོཾ་བཛྲ་ཀཱི་ལི་ཀཱི་ལ་ཡ། ཁྲུས་ལུང་ཞེས་པ་འདི་ལ་དགོངས། །ཡེ་ཤེས་ལྷ་ལ་གཏད་ཅིང་བསྒྲིལ། །དེ་དག་འོད་ཞུ་ཕུར་པར་ཐིམ། །
ཕྱོགས་གཏད་བསྒྲིལ་ཞིང་སྣོད་བཅུད་ཐིམ། །རྫུ་འཕྲུལ་མཐུ་དང་ལྡན་པར་བསམ། །ཕུར་ཐུན་དགྲ་བོའི་གཤེད་དུ་འབེབས། །ཧཱུྃ། རྡོ་རྗེ་ཕུར་པ་ཀཱི་ལ་ཡ། །སངས་རྒྱས་ཡོངས་རྫོགས་འཕྲིན་ལས་སྐུ། །དགྲ་བགེགས་ལྔ་ཕུང་
རྡུལ་དུ་རློག །བཅོལ་བའི་འཕྲིན་ལས་སྒྲུབ་པར་མཛོད། །ཅེས་བསྐུལ་བསྐོར་ཞིང་ཉའུར་བརྡེག ། ཧཱུྃ། དགྲ་བགེགས་འབྱུང་པོ་ལས་ངན་འདི། །དང་པོར་ཞེ་སྡང་ཕ་ལས་བརྒྱུད། །བར་དུ་འདོད་ཆགས་མངལ་སྒོ་འགྲིམས། །ཐ་མར་ཉོན་མོངས་ལྔ་ཡི་གཟུགས། །
17-60
ཕུང་པོ་རྩད་ནས་བཅད་པའི་ཕྱིར། །སྲིད་པའི་ཆགས་ས་ལྟེ་བ་ཡིན། །ལྟེ་བའི་དཀྱིལ་དུ་ཀཱི་ལ་ཡ། །རྣམ་ཤེས་གནས་ས་སྙིང་ཡིན་པས། །སྙིང་གི་དཀྱིལ་དུ་ཀཱི་ལ་ཡ། །ལྟ་བར་བྱེད་པ་མིག་
ཡིན་པས། །མིག་གི་དཀྱིལ་དུ་ཀཱི་ལ་ཡ། །ཉན་པར་བྱེད་པ་རྣ་བ་ཡིན། །རྣ་བའི་དཀྱིལ་དུ་ཀཱི་ལ་ཡ། །སྣོམ་པར་བྱེད་པ་སྣ་ཡིན་པས། །སྣ་ཡི་དཀྱིལ་དུ་ཀཱི་ལ་ཡ། །མྱོང་བར་བྱེད་
པ་ལྕེ་ཡིན་པས། །ལྕེ་ཡི་དཀྱིལ་དུ་ཀཱི་ལ་ཡ། །སྐྱོད་པར་བྱེད་པ་ཡན་ལག་ཡིན། །ཡན་ལག་བཞི་ལ་ཀཱི་ལ་ཡ། །ཡུངས་ཐུན་མཚོན་ཆ་ཐོག་ཏུ་བསྒོམ། །ཧཱུྃ། ཡུངས་དཀར་རྒྱལ་པོ་ཤཱ་རི་རཾ། །
ཁྲོ་རྒྱལ་ཡོངས་རྫོགས་གྱད་ཀྱི་སྐུ། །སྡང་བའི་དགྲ་ལ་རྦད་པའི་ཚེ། །སྤྱི་བོའི་གཙུག་ཏུ་ཐོག་ལྟར་འབེབས། །ཀླད་པའི་དཀྱིལ་དུ་ཞོ་ལྟར་དཀྲུག །སྙིང་གི་དཀྱིལ་དུ་ཉ་ལྟར་འཕྱོ། །ཤ་རུས་བར་དུ་མིག་
ལྟར་རྒྱུ། །ལུས་ངག་རྡུལ་ཕྲན་བཞིན་དུ་རློག །ཨེ་ཀ་ཧེ་དུན་ཏྲག་རཀྵ་ཡ། ཡ་མ་རཱ་ཙ་ས་དོ་མེ་ཡ། ཡ་མི་དོ་རུ་ཎ་ཡོ་ད་ཡ། ར་ལ་ཡོ་ནི་ར་ལཀྵེ་ཡ། ཡཀྵེ་
ཡ་ཙ་ནིར་མ་ཡ། དགྲ་བོ་ཨེ་མྱགས་བརྔུབས་མུག་ཤག་ཀ་དུན་བྷྱོ། རྣྲི་ཧུར་ཐུམ་ཛ། མཱ་ར་ཡ་རྦད། ཀུན་མཐར་ཁྲག་སྣ་ནད་བསམས་བརྡེག །ཧཱུྃ། རཀྟའི་རྒྱ་མཚོ་རྦ་ཀློང་འཁྲུག །མ་མོ་ཡོངས་རྫོགས་གྱད་ཀྱི་སྐུ། །
17-61
དགྲ་བགེགས་ལྔ་ཕུང་རྡུལ་དུ་རློག །བཅོལ་བའི་འཕྲིན་ལས་སྒྲུབ་པར་མཛོད། །མཚེ་ཐུན་བརྡེག་ཅིང་འདི་སྐད་དོ།། ཧཱུྃ། མཚེ་མདའ་དྲག་པོ་སྐར་ལྟར་འཁྲུག །དྲེགས་པ་ཡོངས་རྫོགས་གྱད་ཀྱི་སྐུ། །དགྲ་བགེགས་ལྔ་ཕུང་
རྡུལ་དུ་རློག །བཅོལ་བའི་འཕྲིན་ལས་སྒྲུབ་པར་མཛོད། །དུག་སྣ་ནད་བལྟས་བརྡེག་ལ་བརྗོད། ཧཱུྃ། གདུག་པའི་དུག་རླངས་རླུང་ལྟར་འཚུབ། །དུག་སྣ་ཡོངས་རྫོགས་གྱད་ཀྱི་སྐུ། །དགྲ་བགེགས་ལྔ་ཕུང་རྡུལ་དུ་རློག །བཅོལ་
བའི་འཕྲིན་ལས་སྒྲུབ་པར་མཛོད། །ལྕགས་ཕྱེ་མཚོན་ཆའི་སེར་བ་ཕབ། །ཧཱུྃ། ཐོགས་པ་མེད་པ་ལས་ཀྱི་མཚོན། །ཕྱག་མཚན་ཡོངས་རྫོགས་གྱད་ཀྱི་སྐུ། །དགྲ་བགེགས་ལྔ་ཕུང་རྡུལ་དུ་རློག །བཅོལ་བའི་འཕྲིན་ལས་སྒྲུབ་
པར་མཛོད། །མདའ་ཐུན་སྙིང་ལ་གཟིར་བས་ཏེ། ཧཱུྃ། དཔག་མེད་དྲག་པོ་མདའ་ཡི་ཐུན། །བདུད་འཇོམས་ཡོངས་རྫོགས་གྱད་ཀྱི་སྐུ། །དགྲ་བགེགས་ལྔ་ཕུང་རྡུལ་དུ་རློག །བཅོལ་བའི་འཕྲིན་ལས་སྒྲུབ་པར་མཛོད། །རྡོ་ཐུན་
རྡོ་ཡི་ཆར་དུ་འབེབས། །ཧཱུྃ། སྟོབས་ཆེན་རྩལ་འཆང་རྡོ་ཡི་ཐུན། །ཕྲ་མེན་ཡོངས་རྫོགས་གྱད་ཀྱི་སྐུ། །དགྲ་བགེགས་ལྔ་ཕུང་རྡུལ་དུ་རློག །བཅོལ་བའི་འཕྲིན་ལས་སྒྲུབ་པར་མཛོད། །མཚོན་ཆ་བརྡེག་ཅིང་འདི་བརྗོད་
དོ། །ཧཱུྃ། རྡོ་རྗེ་འཁོར་ལོ་དབྱུག་ཐོ་སོགས། །མཚོན་ཆ་ཡོངས་རྫོགས་གྱད་ཀྱི་སྐུ། །དགྲ་བགེགས་ལྔ་ཕུང་རྡུལ་དུ་རློག །བཅོལ་བའི་འཕྲིན་ལས་སྒྲུབ་པར་མཛོད། །ཉའུ་ལུས་ཁྲོལ་མ་འདྲ་བར་སོང་། །ཕུར་བུ་བསྒྲིལ་ནས་སྙིང་གར་བཏབ། །
17-62
ཧཱུྃ། ཐུགས་རྗེས་ཐབས་ཀྱི་སྦྱོར་བ་ཡིས། །ཕུང་པོ་བསྒྲལ་བའི་ཞིང་དུ་བྱས། །གཟུགས་ཀྱི་ལྷ་རྣམས་མཆོད་པར་བྱས། །རྣམ་ཤེས་ཡུམ་གྱི་མཁའ་ལ་སྤར། །ཡེ་ཤེས་སེམས་དཔར་བྱིན་བརླབས་པས། །ཁྱོད་ནི་རྒྱལ་བའི་
སྲས་སུ་སྐྱེ། །ཨོཾ་བཛྲ་ཀཱི་ལི་ཀཱི་ལ་ཡ། ཨེ་ཡཾ་རཾ་སྥ་ར་ཎ་ཕཊ། བོ་དྷི་ཙིཏྟ་རྣྲི་སཾ་ཧ་ར་ཎ་ཧཱུྃ། བྱད་མའི་སྙིང་ནད་རླུང་རྟེན་སྔོ། །སྲོག་རྟེན་དངས་མ་དམར་པོ་གཉིས། །
བདག་གི་སྣར་བརྔུབ་ཚེ་ཡི་གསོས། །རྣམ་ཤེས་རྟེན་བཅས་ཕུར་པའི་སེང་། །ཧཱུྃ་ཡིག་ཉིད་དང་གཉིས་མེད་བསམ། །ལུས་སེམས་རྣལ་བས་བཀྲག་ཤོར་ཏེ། །རལ་གྲིས་གཏུབ་ཅིང་འདི་སྐད་བརྗོད། །ཧཱུྃ། ང་ནི་དུས་གསུམ་
བཞུགས་པ་ཡི། །སངས་རྒྱས་ཡིན་ཏེ་ཡེ་ཤེས་སྐུ། །མཁྱེན་བརྩེ་ནུས་པའི་རལ་གྲི་ཡིས། །ལོག་རྟོག་འཁོར་བ་རྒྱུན་བཅད་དོ། །དུམ་བུར་བྱས་ནས་གཏུན་ཁུང་དུ། །རྡོ་རྗེ་ཐོ་བས་བརྡུང་དང་བསྣུན། །ཧཱུྃ། བཀའ་
ལས་འདའ་བྱེད་སྡིག་ཅན་འདི། །མཚོན་ཆ་རྣོན་པོས་བསྒྲལ་ཟིན་གྱིས། །ཁྲོ་མོ་འབར་བའི་གཏུན་ཁུང་དུ། །བརྡུངས་ཤིག་རྡོ་རྗེ་འབར་བའི་གཏུན། །ཤ་རུས་དམར་མྱོག་བཏང་བར་བསམ། །དེ་ནས་བསྟབ་པ་འདི་ཡིན་
ནོ། །ཧཱུྃ། ཚེ་བདག་ནག་པོའི་ལྷ་ཚོགས་རྣམས། །ཕྱེ་ཞིག་ཕྱེ་ཞིག་ཞལ་ཕྱེ་ཞིག །དོན་དམ་ཆོས་ཉིད་ཞལ་ཕྱེ་ཞིག །གནམ་ས་ཙམ་གྱི་ཞལ་གདོངས་ཤིག །གངས་རི་ཙམ་གྱི་མཆེ་གཙིགས་ཤིག །བར་སྣང་ཙམ་གྱི་ལྗགས་དྲིལ་ལ། །
17-63
སྟོང་གསུམ་ཙམ་གྱི་མིད་པ་གདོངས། །ཁམས་གསུམ་འཁོར་བའི་ཕུང་ཁམས་སྐྱེ། །དགྲ་བགེགས་ཤ་རུས་མ་ལུས་པ། །ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་དྲིལ་ལོ་ཨ་ར་ལི། །དབྱིངས་སུ་བསྒྲལ་ལོ་
ས་མ་ཡ། །རྣལ་འབྱོར་བདག་ཅག་འཁོར་བཅས་ལ། །ནམ་མཁའ་ལྷ་ཡིས་བྱད་བྱེད་དང་། །ས་གཞི་ཀླུ་ཡིས་བྱད་བྱེད་དང་། །བར་སྣང་གཉན་གྱིས་བྱད་བྱེད་དང་། །སྟོང་གསུམ་མི་ཡིས་བྱད་བྱེད་དང་། །སྣང་སྲིད་
ལྷ་འདྲེས་བྱད་བྱེད་དང་། །གླིང་གཞི་བོན་པོ་མུ་སྟེགས་དང་། །ཡུལ་མི་རྗེ་དང་ཁྱིམ་མཚེས་ཀྱིས། །འཚེ་བའི་སེམས་ཀྱིས་བསམས་དང་སྨྲ། །ལུས་ཀྱིས་རྩུབ་པའི་སྦྱོར་བྱེད་སོགས། །དེ་དག་གཞི་རྟེན་ལུས་སེམས་རྣམས། །
ཞལ་དུ་བསྟབ་བོ་ཁ་རཾ་ཁཱ་ཧི། །མགུལ་དུ་དྲིལ་ལོ་ཨ་ར་ལི། །དབྱིངས་སུ་བསྒྲལ་ལོ་ས་མ་ཡ། ། དེ་ནས་ཚོགས་ལ་ལོངས་སྤྱོད་ལྷག །ཁ་ཆུ་སྨན་ཕུད་རཀྟས་སྦྲན། །ཧཱུྃ། དང་པོར་ཕུད་ཀྱིས་
མི་མཆོད་དུ། །དཔལ་ཆེན་ལྷ་ཚོགས་ཕུད་ཀྱི་བདག །བར་དུ་ཚོགས་ལ་མི་རོལ་དུ། །རྣལ་འབྱོར་དངོས་གྲུབ་སྤེལ་བའི་རྒྱུ། །མཐའ་མར་ཁ་ཆུས་མི་བྲན་དུ། །མ་ཚོགས་མཁའ་འགྲོ་དམ་ཚིག་གཅིག །ཕུད་ལྷག་
སྨན་ཕུད་རཀྟས་བྲན། །རྗེ་ཡི་བཀའ་ཉན་བྲན་ལྟར་བྱེད། །ཡར་གནས་མཆོད་ཡིན་མར་གནས་འདི། །བྷྱོཿ དཔལ་གྱི་བཀའ་ཉན་ལྷག་སྡུད་མ། །དཀྱིལ་འཁོར་ཆེན་པོའི་མུ་རན་སྐྱོང་། །མཁའ་འགྲོ་དྲུག་ཅུ་རྩ་བཞི་དང་། །
17-64
འབར་མ་ཉི་ཁྲི་ཆིག་སྟོང་དང་། །གཤིན་རྗེ་ཕོ་མོ་དྲུག་ཁྲི་དང་། །ས་བདག་དབང་ཕྱུག་བརྟན་མའི་ཚོགས། །འཇིག་རྟེན་སྟོང་གསུམ་ཁྱབ་བྱེད་པའི། །ཤ་ལ་སྲེད་ཅིང་ཁྲག་ལ་དགྱེས། །རུས་མུར་རྐང་རྩ་གློ་
སྙིང་ཟ། །རྒྱུ་འདྲེན་ལྤགས་གྱོན་ཐོད་རྒྱན་ཅན། །བཅུད་ལེན་མདངས་འཕྲོག་ཁ་རླངས་འཕྱོ། །མི་སྡུག་གཟུགས་འཆང་སྲིན་མོའི་གཟུགས། །ཧ་ཧ་རུ་ལུའི་སྒྲ་སྒྲོག་ཅིང་། །སྲིད་གསུམ་ཁྱབ་ཅིང་ཀུན་ཏུ་རྒྱུ། །མཁའ་ལ་འགྲོ་
བའི་དབང་མོ་ཆེ། །ནད་ཀྱི་བདག་ལ་རིམས་ཀྱི་རྐྱེན། །གཤིན་རྗེ་ཕོ་མོ་གིང་ཚོགས་རྣམས། །སྔོན་ཚེ་དཔལ་གྱི་བཀའ་ལུང་བཞིན། །ལྷག་མའི་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ཀྱི། །སྡང་
བའི་དགྲ་དང་གནོད་པའི་བགེགས། །བར་གཅོད་བྱད་སྟེམས་བཟློག་ཏུ་གསོལ། །ནད་ཁ་ཆོད་ལ་རིམས་ཁ་སྒྱུར། །ཚེ་དབང་བསོད་ནམས་ལོངས་སྤྱོད་སྤེལ། །མཐུ་རྟགས་ནུས་པ་མྱུར་འགྲུབ་ཤོག །ཨེ་སརྦ་ཊཱ་ཀི་ནཱི་མཧཱ་
དྷ་ཧྲ་ག་སྱཾ་བྷྱོ་བྷྱོ་བྷྱོ། དེ་ནས་ཆད་རྡོ་འདི་ལྟར་བསྒྲག །ཧཱུྃ། བསྐལ་པ་བརྒྱད་ཁྲི་བཞི་སྟོང་སྔོན་རོལ་དུ། །འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །སྤྲོས་བྲལ་ཆེན་པོ་ཀུན་ཏུ་བཟང་
པོ་ཡིས། །བྱ་རྩོལ་བྲལ་བ་ཡིད་ཆོས་བསྟན་པའི་ཚེ། །རིགས་ལྔ་བདེ་ཆེན་མཁའ་དབྱིངས་བཀོད་པའི་ཚོགས། །ཇི་ལྟར་ཁས་བླངས་དམ་ཚིག་ཕོག་ནས་སུ། །བཀའ་ཡི་གཏོར་མ་ལེན་པར་མ་བྱས་སམ། །ཡོན་བདག་བར་གཅོད་བཟློག་པར་མ་བྱས་སམ། །
17-65
ཇི་ལྟར་ཁས་བླངས་བཞིན་དུ་གཏོར་མ་ལོངས། །དེ་ལྟར་དམ་བཅས་བཞིན་དུ་འཕྲིན་ལས་མཛོད། །དེ་རྗེས་འགྲོ་བའི་དོན་ལ་དགོངས་པའི་ཚེ། །སློབ་དཔོན་ཆེན་པོ་འཇམ་དཔལ་བཤེས་གཉེན་གྱིས། །འཇམ་དཔལ་དྲ་བ་
འབུམ་སྡེ་དཔེ་ལ་བཀོད། །མ་གཤིན་ཡོངས་ཀྱི་དཀྱིལ་འཁོར་ཞལ་ཕྱེས་ཚེ། །བཀའ་སྲུང་གཤིན་རྗེ་དྲུག་ཁྲིས་སྲོག་སྙིང་ཕུལ། །ཇི་ལྟར་ཁས་བླངས་བཞིན་དུ་གཏོར་མ་ལོངས། །དེ་ལྟར་དམ་བཅས་བཞིན་དུ་འཕྲིན་ལས་
མཛོད། །དེ་རྗེས་སློབ་དཔོན་ཤིནྟ་གརྦྷ་དང་། །མུ་སྟེགས་བཟློག་པའི་སྟོབས་ཅན་སྔགས་བཟློག་རྩོད། །སྙིང་གཟེར་ནག་པོའི་དཀྱིལ་འཁོར་ཞལ་ཕྱེས་ཚེ། །སྡིག་པ་སྙིང་འཛིངས་མུ་སྟེགས་བསྟན་པ་བསྣུབས། །དྲེགས་པ་བཅོ་བརྒྱད་འདུས་
ནས་རང་སྲོག་ཕུལ། །ཇི་ལྟར་ཁས་བླངས་བཞིན་དུ་གཏོར་མ་ལོངས། །དེ་ལྟར་དམ་བཅས་བཞིན་དུ་འཕྲིན་ལས་མཛོད། །དེ་རྗེས་སློབ་དཔོན་བ་སུ་དྷ་ར་ཡིས། །བཀའ་ཡི་མཆོད་རྟེན་སྟོབས་ཆེན་བཞེངས་པའི་ཚེ། །
ལས་ཀྱི་གཤིན་རྗེས་སྲོག་ཕུལ་ཞལ་ཡང་བསྟན། །ཇི་ལྟར་ཁས་བླངས་བཞིན་དུ་གཏོར་མ་ལོངས། །དེ་ལྟར་དམ་བཅས་བཞིན་དུ་འཕྲིན་ལས་མཛོད། །དེ་རྗེས་སངས་རྒྱས་ཡེ་ཤེས་རིན་པོ་ཆེས། །ཨེ་རིང་རྣམ་གསུམ་
དཀྱིལ་འཁོར་ཞལ་ཕྱེས་ནས། །མཆོད་རྟེན་ལུས་ལ་བཀོད་ནས་བསྒྲུབས་པའི་ཚེ། །མ་གཤིན་ཞལ་བསྟན་དངོས་གྲུབ་རྣམ་གཉིས་ཐོབ། །བཀའ་སྲུང་སྡེ་བརྒྱད་དམ་ལ་བཏགས་པའི་ཚེ། །ཇི་ལྟར་ཁས་བླངས་བཞིན་དུ་གཏོར་མ་ལོངས། །
17-66
དེ་ལྟར་དམ་བཅས་བཞིན་དུ་འཕྲིན་ལས་མཛོད། །ད་ལྟར་སྒྲུབ་པའི་གནས་མཆོག་དམ་པ་འདིར། །དཀྱིལ་འཁོར་མཆོད་རྫས་ལུས་དཀྱིལ་གཏོར་མ་བཤམས། །བཀའ་བཞིན་སྒྲུབ་པའི་སྲུང་མ་དམ་ཅན་རྣམས། །ཇི་ལྟར་ཁས་བླངས་
དམ་ཚིག་ཕོག་པའི་དུས། །བཀའ་ཡི་གཏོར་མ་ལེན་པར་མ་ཆད་དམ། །རྣལ་འབྱོར་བུ་བཞིན་སྐྱོང་བར་མ་ཆད་དམ། །ཡོན་བདག་བར་གཅོད་བཟློག་པར་མ་ཆད་དམ། །ཇི་ལྟར་ཁས་བླངས་བཞིན་དུ་གཏོང་མ་
ལོངས། །དེ་ལྟར་དམ་བཅས་བཞིན་དུ་འཕྲིན་ལས་མཛོད། ། དེ་ནས་བསྐུལ་ཕྱིར་རཀྟ་སྦྲེང་། ཧཱུྃ། དཔའ་བོ་འཇམ་དཔལ་གཤིན་རྗེའི་དགྲ། །ཆོས་ཀྱི་དབྱིངས་ནས་སྐུ་བསྐྱོད་ཚེ། །ཁམས་གསུམ་སྲིད་པ་ལྡེག་ཅིང་འཁྱོམ། །གནམ་རྡོ་
ལྷུང་ཞིང་སྐར་མདའ་འཁྲུག །ཁྲོ་བོའི་རྒྱལ་པོ་ཐམས་ཅད་བྲོས། །འཇིག་རྟེན་དྲེགས་པ་བརྒྱལ་ནས་ཤི །སླར་ཡང་དེ་དག་དབུགས་ཕྱུང་ནས། །བཅོམ་ལྡན་ཉིད་ཀྱི་འཁོར་དུ་བཀོད། །དེ་ཚེ་དབུ་གསུམ་ཞལ་དུ་བསྟན། །
གཡས་དཀར་བཞད་ལ་གཡོན་དམར་ཆགས། །དབུས་མཐིང་ཁྲོ་ལ་མཆེ་བཞི་གཙིགས། །ཀླུ་གཉན་ས་བདག་གདུག་པ་ཟ། །ཧ་ཧ་ཕཊ་དང་བྷྱོ་སྒྲ་སྒྲོག །བསྐལ་པ་བཤོལ་བའི་ཁྲག་རྒྱུན་འབེབས། །ཤངས་ནས་འཐོར་བྱེད་རླུང་
ནག་གཡོ། །སྤྱན་དགུ་སྨིན་མ་ཨག་ཚོམས་སྐྲ། །སྲེག་པའི་མེ་དཔུང་འུར་འུར་འབར། །ཡེ་ཤེས་ཐོད་པ་སྐམ་པོ་ལྔར། །རིགས་ལྔའི་ཁྲག་འཐུང་ཆེ་རྣམས་རོལ། །ཕ་རོལ་ཕྱིན་དྲུག་ཕྱག་ཏུ་སྣང་། །འཁོར་ལོ་རལ་གྲི་རྡོ་རྗེ་གཡས། །
17-67
བེ་ཅོན་གཏུན་དང་སྡིག་མཛུབ་གཡོན། །དགྲ་བགེགས་ཐམས་ཅད་འཇོམས་པར་མཛོད། །ཐུགས་རྗེས་ཁྲོ་བའི་གར་ཉམས་དགུས། །ཧེ་རུ་ཀ་ཡི་དབུས་ན་འགྱིང་། །དྲེགས་པ་ཐམས་ཅད་དབང་སྡུད་ཕྱིར། །གླང་ཆེན་ཞིང་ལྤགས་སྟག་
ཤམ་གྱོན། །རིགས་བཞིའི་གིང་དང་རུས་རྒྱུན་དྲུག །ཁྲག་ཞག་ཐིག་ལེ་སོར་རིས་དང་། །མགོ་རློན་ལྔ་བཅུ་རྩ་གཅིག་སྙིང་། །རྒྱུ་མར་བརྒྱུས་པའི་ག་ཤལ་འཕྱང་། །བསྡུ་བ་བཞི་ནི་ཞབས་བཞིར་བགྲད། །གཏུམ་པོ་བདུད་
བཞིའི་ནུས་པ་འཇོམས། །ཀླུ་གཉན་ས་བདག་ཕྱོགས་སྐྱོང་སྟེང་། །མ་ཧེ་འཁོར་ལོ་པད་ཉི་ཟླར། །རྡོ་རྗེའི་གཤོག་པ་བརྒྱངས་ནས་བཞུགས། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་སྒྲོལ་བའི་འཕྲིན་ལས་མཛོད། །ཡུམ་
གཅིག་རྡོ་རྗེ་ཁྲོ་མ་ནི། །མཐིང་ནག་སྙིང་ཟ་ཁྲག་མཚོ་སྟོབ། །དབུ་སྐྲ་མུན་གཏིབས་གསེར་གཡུས་བརྒྱན། །གཟིག་ཤམ་དུར་ཁྲོད་ཆས་ཀྱིས་བརྒྱན། །སྔགས་བདག་ཆེན་མོ་རལ་གཅིག་མ། །སྔོ་སྐྱ་ཕྱག་གཡས་རལ་གྲི་
འཕྱར། །གཡོན་པ་གཡུ་ཡི་སྤྱང་མོ་འགྱེད། །རེ་ལྡེའི་ཤམ་ཐབས་དུར་ཁྲོད་བརྒྱན། །དབྱིངས་ཀྱི་མ་གཅིག་མུ་ཁ་ཡེ། །སྨུག་ནག་སྐྱེ་འགྲོ་ཁྲམ་ལ་འདེབས། །གཡོན་པ་ནད་རྐྱལ་དགྲ་ཡུལ་འགྱེད། །རེ་ལྡེ་དུར་ཁྲོད་
ཆས་ཀྱིས་བརྒྱན། །ཕོ་རྒྱུད་འདུལ་ཞིང་མོ་རྒྱུད་གཟིར། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་སྒྲོལ་བའི་འཕྲིན་ལས་མཛོད། །སྲས་མཆོག་ཡ་མ་རཱ་ཛ་ནི། །སྨུག་ནག་དྲག་ཤུལ་ཆེན་པོའི་གཟུགས། །འཁོར་ལོ་བསྐོར་ཞིང་སྙིང་འཕྲེང་བཟུང་། །
17-68
དཔལ་གྱི་ཆས་བརྒྱད་སྐུ་ལ་འཆང་། །མཐུ་སྟོབས་ཕྱག་ན་རྡོ་རྗེ་ཅན། །ལྗང་ནག་གཏུམ་པོ་ཆེན་པོའི་སྐུ། །གཡོན་པ་སྙིང་གི་འཕྲེང་བ་བསྣམས། །དུར་ཁྲོད་ཆས་བརྒྱད་སྐུ་ལ་གསོལ། །རུསྦལ་རྔམ་པ་མི་ཟན་
ནི། །མཚོན་ཆའི་སྤུ་ལ་ཉི་མའི་མིག །མཆོད་རྟེན་ཁྲག་ཐིག་དུག་སྨེས་བརྒྱན། །ལྷ་སྲིན་སྲོག་འཆང་སྲིད་པའི་ཁྱམས། །བྱ་ཁྱུང་རལ་གྲིའི་གཤོག་པ་ཅན། །གནམ་ལྕགས་འབར་བའི་མཆུ་སྡེར་རུ། །གདུག་པའི་ཀླུ་ཆེན་
ཞལ་དུ་གསོལ། །ཉི་མའི་མིག་ལྡན་ནོར་བུས་བརྒྱན། །རིགས་བཞིའི་ཁྲོ་བོ་རྩ་བའི་ལྷ། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་སྒྲོལ་བའི་འཕྲིན་ལས་མཛོད། །ལྷ་ཡི་སྡེ་དཔོན་སེང་གེའི་གདོང་། །ཡབ་ཡུམ་
གཡུ་ཡི་རལ་པ་སྤྲུག །སྲོག་བདག་སྡེ་དཔོན་སྟག་ཆེན་གདོང་། །ཡབ་ཡུམ་མི་རོ་ཞལ་དུ་ཁྱེར། །ཀླུ་ཡི་སྡེ་དཔོན་དུག་སྦྲུལ་གདོང་། །ཡབ་ཡུམ་དུག་གི་ཁ་རླངས་འཕྱོ། །གནོད་སྦྱིན་སྡེ་དཔོན་ཁྱུང་གི་གདོང་། །
ཡབ་ཡུམ་ཞལ་ནས་མེ་དཔུང་འབར། །གྱད་གནོན་ཆེན་པོ་སྤྲུལ་པའི་ལྷ། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་སྒྲོལ་བའི་འཕྲིན་ལས་མཛོད། །ཐུགས་སྤྲུལ་ཚེ་བདག་ནག་པོ་ནི། །དབུ་དགུ་བཅོ་བརྒྱད་ཕྱག་
ཏུ་མཚོན། །མི་བསྲུན་ངོར་མ་ཐམས་ཅད་བསྲེལ། །ཞབས་བརྒྱད་སེང་གེའི་སྟེང་དུ་བརྐྱང་། །དབྱིངས་ཕྱུག་ཆེན་མོ་ཡུམ་དང་རོལ། །འཇིགས་པའི་རྒྱན་ལ་འཇིགས་པའི་སྐད། །སྲོད་ལ་རབ་ཏུ་བསྐུལ་བའི་ཚེ། །དྲེགས་པ་ཐམས་ཅད་གཡོག་ཏུ་སྡུད། །
17-69
དགྲ་བོའི་བླ་ཚེ་ཞལ་དུ་གསོལ། །གསུང་སྤྲུལ་སྲོག་བདག་དམར་པོ་ནི། །ཁྲོ་བོའི་མགོ་དགུ་བྱ་རོག་ཞལ། །བསེ་ཡི་ཞུབ་གསོལ་སྟག་ལ་ཞོན། །ཁྲག་རལ་མ་དང་ལྷན་ཅིག་རྩེ། །གསོད་པའི་མཚོན་བཟུང་གཤུགས་
གླུ་ལེན། །དགྲ་བོའི་རྐེ་ནས་ཁྲིད་ཅིང་རྒྱུ། །ནམ་གྱི་ཕར་ཕྱེད་ཚུར་ཕྱེད་ལ། །དྲག་ཏུ་བསྐུལ་ནས་ཆད་པའི་ཚེ། །སྲོག་གཅོད་གཤན་པ་ཐམས་ཅད་འགྱེད། ། །སྲོག་གི་དངས་མ་ཐམས་ཅད་སྡུད། །སྐུ་སྤྲུལ་འཆི་
བདག་ནག་པོ་ནི། །ཆུ་སྲིན་གདོང་ལ་སྦྲུལ་མགོ་དགུ། །ཆུ་སྲིན་ཁ་ནས་མཛེ་སྦལ་འགྱེད། །དུག་སྦྲུལ་ཁ་ནས་ནད་རླངས་གཏོང་། །རུ་སྦལ་གཡང་གཞི་ལུས་ལ་གྱོན། །སྦྲུལ་ཞོན་མཚོན་ཆ་དགྲ་ལ་འབེབས། །ནམ་
གྱི་ཐོ་རེངས་བསྐུལ་བའི་ཚེ། །ཀླུ་བདུད་ཐམས་ཅད་ལས་ལ་བཀོལ། །འཇིག་རྟེན་ཕུང་བྱེད་དྲག་ཤུལ་ཅན། །ལས་ཀྱི་གཤིན་རྗེའི་རྒྱལ་པོ་སྤུན། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་སྒྲོལ་བའི་འཕྲིན་ལས་
མཛོད། །སྲིན་པོ་ཡ་མ་རཱ་ཙ་ནི། །རོ་ལངས་ཐལ་མདོག་མ་དང་རྩེ། །གཤིན་རྗེ་མྱོས་བྱེད་འབར་བ་ནི། །གསོད་བྱེད་འབར་མ་དག་ལ་དགྱེས། །བདུད་པོ་ཨཱརྱ་མ་རུ་ནི། །སྲོག་ལེན་ནག་མོ་དང་
ནི་རྩེ། །གནོད་སྦྱིན་རལ་པ་ཚར་དགུ་ནི། །རལ་གཅིག་མ་དང་ལྷན་ཅིག་རོལ། །དུང་གི་མོན་པ་སེང་གེའི་མགོ །མོན་མོ་བླ་རྐུན་མ་དང་འཁྲིལ། །ལྕགས་ཀྱི་མོན་པ་སྟག་གི་མགོ །མོན་མོ་གཡུ་རལ་ཅན་གྱིས་འཁྱུད། །
17-70
བསེ་ཡི་མོན་པ་དྲེད་ཀྱི་མགོ །མོན་མོ་ཁྲག་རལ་ཅན་ལ་དགའ། །གསེར་གྱི་མོན་པ་ཁྱུང་གི་མགོ །མོན་མོ་སྙིང་འབྱིན་གཟེར་འབེབས་ཡུམ། །ཧེ་ལེ་ཁྱབ་པ་ཤར་གྱི་བདུད། །ཡུམ་ནི་མི་ཟན་སྙིང་
རྐུན་མ། །ནག་པོ་འཛུམ་མེད་ལྷོ་ཡི་བདུད། །ཆུང་མ་སྙིང་གི་ཁྲག་འཐུང་མ། །སོ་འདར་འཁྲིག་པ་ནུབ་ཀྱི་བདུད། །དགའ་མ་ཤ་ཟ་གཟེར་འབེབས་མ། །རལ་པ་སྤྱིར་བཅིངས་བྱང་གི་བདུད། །རྩེ་གྲོགས་ནག་
མོ་ཁྲག་རལ་ཅན། །དུས་བཞི་སྲིད་པ་ཡོངས་ཀྱི་བདག །ཟླ་བའི་གཤེད་པོ་བཅུ་གཉིས་དང་། །ཡུམ་ཆེན་ཕུང་བྱེད་མ་མོ་བཞི། །བདུད་དང་གཤིན་རྗེ་མ་མོ་དང་། །གནོད་སྦྱིན་གཏུམ་པོ་སྒོ་བ་བཞི། །རོ་
ལངས་མ་མོ་བཞི་དང་ཡང་། །ཟ་བྱེད་བདུན་བརྒྱ་ཉི་ཤུའི་ཚོགས། །འཆི་བདག་ལས་གཤིན་བདུད་ཀྱི་བདུད། །འཇིགས་བྱེད་ཆེན་པོ་འཇིགས་པའི་བདག །གདུག་པ་དུག་གི་ཁ་རླངས་ཅན། །འབར་བ་གཏུམ་པོའི་ཚོགས་ཀྱི་
བདག །སྤྱན་གསུམ་ཟློག་པས་སྡང་མིག་བསྒྱུར། །ཞལ་ཁ་གདངས་པས་མཆེ་བ་གཙིགས། །ལྕེ་བརྐྱང་མཆུ་ནི་ཁྲག་གིས་བརླན། །སོ་རྣོ་ལག་པ་རཀྟས་དམར། །ཟངས་ཀྱི་ཞགས་པ་དམར་པོ་དང་། །གདུག་པའི་མཚོན་ཆ་མང་
པོ་འཛིན། །སྙིང་རྗེ་མེད་པར་གསོད་བྱེད་པ། །རྔམ་ཞིང་གཏུམ་པོའི་ཚོགས་བཅས་རྣམས། །འཚུབ་མ་ནག་པོའི་ནང་དུ་རྒྱུ། །འཛམ་གླིང་མྱུལ་ཞིང་བན་དགྲ་གསོད། །མི་ཤ་ཟ་ཞིང་ཁྲག་ལ་འཐུང་། །ཁྲི་སྒྲོལ་འབུམ་གྱི་ཤ་གཟན་པོ། །
17-71
མ་རུང་འཇོམས་པའི་མཐུ་བོ་ཆེ། །ཁྱོད་ཀྱི་ཐུགས་དམ་དུས་ལ་བབ། །དགྲ་བགེགས་སྒྲོལ་བའི་འཕྲིན་ལས་མཛོད། །བཀའ་ཡི་འཁོར་དང་ལས་བྱེད་ནི། །རྒྱལ་ཆེན་ཕྱོགས་སྐྱོང་སྡེ་བརྒྱད་ཚོགས། །དབང་ཕྱུག་མ་ཡམས་བསྟན་
མར་བཅས། །དྲེགས་པ་འཁོར་བཅས་བདག་བསྐུལ་གྱིས། །དགྲ་བགེགས་སྒྲོལ་བའི་དུས་ལ་བབ། ། ཨེ་ཀ་ཧེ་དུན། ཡ་མ་རཱ་ཙ། ཏྲ་ག་རཀྵ་པེ་ཏ་ལི་ཀྲོ་ཏི་ཤྭ་རི་མ་མ་ཨེ་ཀ་ཙ་ཏི་
རུ་ལུ་རུ་ལུ་བྷྱོ། དགྲ་བོ་ཨེ་མྱགས་ཡ་བརྔུབས། མུག་ཤག་ཀ་དུན་བྷྱོ། ཨོཾ་ཤྲཱི་བཛྲ་ཀྲོ་དྷ་ཡ། ཡ་མ་ཡ། མ་མ་རུ་ལུ། དུ་དུན་ཏིང་། ཀ་ཀི་ལ་ཡ། ར་རག་མོ། རཀྵ་
ཀྵ་ཡཀྵ། ཐ་ཏིར་ཏི་ཀ །ཨ་དྷེ་བ། ཏྲི་རུ་དྲ། ཙ་ཤུ་ལ་ཙ་ར་ཙ་ཏྲེ་བཛྲ་ས་དུ། རུ་རུ་ཏྲི། ཏྲི་ཧཾ་ཤཾ །ས་མུན་པ། ཕུ་ས་ན་ག། ཨ་ཡ་མ་དུ་རུ་
ཙ་ཤ་ན། ཧུར་ཐུམ་ཛཿ ཨ་ཡ་མ་དུ་རུ་ཙ་ཤ་ན་མཱ་ར་ཡ་རྦད། གཏོར་མ་སྤགས་ཏེ་སྒོ་དབྱེ་བྱ། ཧཱུྃ། ཤར་ཕྱོགས་སྒོ་མ་རྟ་གདོང་དཀར། །བྱམས་པ་ལྕགས་ཀྱུའི་ཕྱག་རྒྱ་ཡིས། །
ཤར་ཕྱོགས་དུང་སྒོ་དཀར་པོ་ཕྱེས། །འཕྲང་པ་རྣམས་ཀྱིས་འཕྲང་སོལ་ཅིག །ང་ཡིས་མ་ཉེས་མ་ལན་ནོ། །གཏོར་མའི་ཟོར་ལམ་དགྲ་སྟེང་ཕྱེ། །ལྷོ་ཕྱོགས་སྒོ་མ་ཕག་གདོང་སེར། །སྙིང་རྗེ་ཞགས་པའི་ཕྱག་རྒྱ་ཡིས། །
17-72
ལྷོ་ཕྱོགས་གསེར་སྒོ་སེར་པོ་ཕྱེས། །འཕྲང་པ་རྣམས་ཀྱིས་འཕྲང་སོལ་ཅིག །ང་ཡིས་མ་ཉེས་མ་ལན་ནོ། །གཏོར་མའི་ཟོར་ལམ་དགྲ་སྟེང་ཕྱེ། །ནུབ་ཕྱོགས་སྒོ་མ་སེང་གདོང་དམར། །དགའ་བ་ལྕགས་སྒྲོག་ཕྱག་
རྒྱ་ཡིས། །ནུབ་ཕྱོགས་ཟངས་སྒོ་དམར་པོ་ཕྱེས། །འཕྲང་པ་རྣམས་ཀྱིས་འཕྲང་སོལ་ཅིག །ང་ཡིས་མ་ཉེས་མ་ལན་ནོ། །གཏོར་མའི་ཟོར་ལམ་དགྲ་སྟེང་ཕྱེ། །བྱང་ཕྱོགས་སྒོ་མ་སྤྱང་གདོང་ལྗང་། །བཏང་སྙོམས་དྲིལ་
བུའི་ཕྱག་རྒྱ་ཡིས། །བྱང་ཕྱོགས་ལྕགས་སྒོ་ནག་པོ་ཕྱེས། །འཕྲང་པ་རྣམས་ཀྱིས་འཕྲང་སོལ་ཅིག །ང་ཡིས་མ་ཉེས་མ་ལན་ནོ། །གཏོར་མའི་ཟོར་ལམ་དགྲ་སྟེང་ཕྱེ། །ཕྱོགས་བཅུར་བཞུགས་པའི་བླ་མ་དང་། །ཡི་
དམ་ཌཱ་ཀི་ཆོས་སྐྱོང་དང་། །དཔལ་མགོན་བདུན་ཅུ་རྩ་ལྔ་དང་། །དྲེགས་པའི་ལྷ་སྲིན་སྡེ་བརྒྱད་དང་། །སྲིད་པའི་གཟའ་མཆོག་ཀི་ཀཾ་དང་། །ལོ་ཟླ་ཞག་དུས་ཟ་མའི་ལྷ། །ཡུལ་ལྷ་གཏེར་སྲུང་མ་ལུས་
པ། །འཁོར་བཅས་གསེར་སྐྱེམས་འདི་བཞེས་ལ། །ཀོ་ལོང་གདུག་པ་མ་བྱེད་པར། །བདག་གི་གྲོགས་དང་འཕྲིན་ལས་མཛོད། །ཟོར་སྣ་དགྲ་བགེགས་སྟེང་དུ་དྲོངས། །ཞེས་བརྗོད་གསེར་སྐྱེམས་གཏོར་ལམ་བསྟན། ཧཱུྃ། གཏོར་མའི་ལམ་
བསྟན་གང་དུ་བསྟན། །གཏོར་མའི་ལམ་བསྟན་ཤར་དུ་བསྟན། །ཤར་དུ་རྒྱལ་པོ་ཡུལ་འཁོར་བསྲུང་། །དྲི་ཟ་ཕོ་མོའི་འཁོར་གྱིས་བསྐོར། །སྐུ་གཟུར་དེ་ནི་སྤྱན་བྱོལ་ཞིག །གཏོར་ཟོར་དམར་པོ་ཤ་ར་ར། །ཁྲག་ཟོར་དམར་པོ་སྐྱིལ་ལི་ལི། །
17-73
ཐུན་ཟོར་སེར་ཕྲན་ཉིལ་ལི་ལི། །མདའི་ཟོར་སྐར་ལྟར་བྲེངས་སེ་བྲེངས། །ཐོད་ཟོར་རྦབ་ལྟར་ཧྲེ་ལི་ལི། །ཆུ་ཟོར་ཤ་ལ་ཐིབས་སེ་ཐིབས། །རྡོ་ཟོར་ཐོག་ལྟར་རྦད་དེ་རྦད། །གཏོར་མའི་ལམ་བསྟན་ལྷོ་
རུ་བསྟན། །ལྷོ་རུ་རྒྱལ་པོ་འཕགས་སྐྱེས་པོ། །གཤིན་རྗེ་ཕོ་མོའི་འཁོར་གྱིས་བསྐོར། །སྐུ་གཟུར་དེ་ནི་སྤྱན་བྱོལ་ཞིག །གཏོར་ཟོར་དམར་པོ་ཤ་ར་ར། །ཁྲག་ཟོར་དམར་པོ་བསྐྱིལ་ལི་ལི། །ཐུན་ཟོར་སེར་
ཕྲན་ཉིལ་ལི་ལི། །མདའ་ཟོར་སྐར་ལྟར་བྲེངས་སེ་བྲེངས། །ཐོད་ཟོར་རྦབ་ལྟར་ཧྲི་ལི་ལི། །ཆུ་ཟོར་ཤ་ལ་ཐིབས་སེ་ཐིབས། །རྡོ་ཟོར་ཐོག་ལྟར་རྦད་དེ་རྦད། །གཏོར་མའི་ལམ་བསྟན་ནུབ་ཏུ་བསྟན། །ནུབ་
ཏུ་རྒྱལ་པོ་སྤྱན་མི་བཟང་། །ཀླུ་དབང་མང་པོའི་འཁོར་གྱིས་བསྐོར། །སྐུ་གཟུར་དེ་ནི་སྤྱན་བྱོལ་ཞིག །གཏོར་ཟོར་དམར་པོ་ཤ་ར་ར། །ཁྲག་ཟོར་དམར་པོ། ཐུན་ཟོར་སེར་ཕྲན། མདའ་ཟོར་སྐར་ལྟར། ཐོད་
ཟོར་རྦབ་ལྟར། ཆུ་ཟོར་ཤར་འཐིབས། རྡོ་ཟོར་ཐོག་ལྟར། གཏོར་མའི་ལམ་བསྟན་བྱང་དུ་བསྟན། །བྱང་དུ་རྒྱལ་པོ་རྣམ་ཐོས་སྲས། །གནོད་སྦྱིན་མང་པོའི་འཁོར་གྱིས་བསྐོར། །སྐུ་གཟུར་དེ་ནི་སྤྱན་བྱོལ་ཞིག །གཏོར་
ཟོར་དམར་པོ་ཤ་ར་ར། །ཁྲག་ཟོར་དམར་པོ་བསྐྱིལ་ལི་ལི། །ཐུན་ཟོར་སེར་ཕྲན་ཉིལ་ལི་ལི། །མདའ་ཟོར་སྐར་ལྟར་བྲེངས་སེ་བྲེངས། །ཐོད་ཟོར་རྦབ་ལྟར་ཧྲི་ལི་ལི། །ཆུ་ཟོར་ཤ་ལ་ཐིབས་སེ་ཐིབས། །
17-74
རྡོ་ཟོར་ཐོག་ལྟར་རྦད་དེ་རྦད། །སྟེང་གི་ལྷ་ལ་ཟོར་མི་འཕེན། །ལྷ་ཆེན་བརྒྱད་པོ་ཞབས་སྡུས་ཤིག །འོག་གི་ཀླུ་ལ་ཟེར་མི་འཕེན། །ཀླུ་ཆེན་བརྒྱད་པོ་དབུ་དཔངས་སྨོད། །བར་གྱི་གཉེན་ལ་ཟེར་
མི་འཕེན། །གཉན་ཆེན་སྡེ་བཞི་སྐུ་གཟུར་ཞིག །དེ་ནས་བཟློག་པ་འདི་ལྟར་བུ། ཧཱུྃ། དུས་གསུམ་སངས་རྒྱས་སྤྱི་གཟུགས་པ། །གཤིན་རྗེ་གཤེད་པོ་བདུད་ཀྱི་དགྲ། །ཕྱག་རྒྱ་ཟིལ་གནོན་ཚེ་བདག་ལྷ། །བཟློག་བསྒྱུར་
མཛད་པའི་དུས་ལ་བབ། །ས་འོག་གནས་པའི་འབྱུང་པོ་ཀུན། །བཞད་པའི་ཞལ་གྱིས་བརླག་པར་མཛོད། །ས་སྟེང་རོལ་བའི་འབྱུང་པོ་ཀུན། །ཆགས་པའི་ཞལ་གྱིས་དབང་དུ་སྡུད། །ས་བླར་གནས་པའི་འབྱུང་པོ་ཀུན། །
ཁྲོས་པའི་ཞལ་གྱིས་ལས་ལ་བཀོལ། །འགྲོ་བ་དྲུག་ལྡན་འཇིག་རྟེན་ཁམས། །ཕྱག་དྲུག་མཚོན་ཆས་དབྱིངས་སུ་སྒྲོལ། །ཚངས་དྲག་བརྒྱ་བྱིན་ལྷ་ཡི་གདོན། །དཔའ་བའི་ཉམས་ཀྱིས་བཟློག་ཏུ་གསོལ། །གང་བ་བཟང་པོ་གནོད་
སྦྱིན་གདོན། །སྒེག་པའི་ཉམས་ཀྱིས་བཟློག་ཏུ་གསོལ། །དགའ་བོ་འཇོག་སོགས་ཀླུ་ཡི་གདོན། །འཇིགས་པའི་ཉམས་ཀྱིས་བཟློག་ཏུ་གསོལ། །ཟ་བྱེད་རྔམ་པ་སྲིན་པོའི་གདོན། །རྒོད་པའི་ཉམས་ཀྱིས་བཟློག་ཏུ་གསོལ། །གཙོ་མོ་ཁ་
འབར་ཡི་དྭགས་གདོན། །གཤེ་བའི་ཉམས་ཀྱིས་བཟློག་ཏུ་གསོལ། །ཕག་གདོང་འཇིགས་པ་ཤ་ཟའི་གདོན། །རྔམས་པའི་ཉམས་ཀྱིས་བཟློག་ཏུ་གསོལ། །བི་ནཱ་ཡ་ཀ་བགེགས་ཀྱི་གདོན། །སྙིང་རྗེའི་ཉམས་ཀྱིས་བཟློག་ཏུ་གསོལ། །རོལ་པ་སྐྱ་བདུན་དམུ་ཡི་གདོན། །
17-75
ཞི་བའི་ཉམས་ཀྱིས་བཟློག་ཏུ་གསོལ། །ཁྲམ་ཐོགས་གྲི་ཐོགས་གིང་གི་གདོན། །ངོ་མཚར་ཉམས་ཀྱིས་བཟློག་ཏུ་གསོལ། །བིཥྞུ་རཱ་ཧུ་གཟའ་ཡི་གདོན། །ཐུགས་ཀྱི་འཕྲུལ་གྱིས་བཟློག་ཏུ་གསོལ། །རལ་པ་གསིགས་པ་མ་མོའི་
གདོན། །གསུང་གི་འཕྲུལ་གྱིས་བཟློག་ཏུ་གསོལ། །ཏེལ་པ་ཕྱྭ་སང་གཤིན་རྗེའི་གདོན། །སྐུ་ཡི་འཕྲུལ་གྱིས་བཟློག་ཏུ་གསོལ། །པེ་དཀར་ལ་སོགས་རྒྱལ་པོའི་གདོན། །ཡོན་ཏན་འཕྲུལ་གྱིས་བཟློག་ཏུ་གསོལ། །ཁ་བཞི་མགྱོགས་པ་
བཙན་ཀྱིས་གདོན། །འཕྲིན་ལས་འཕྲུལ་གྱིས་བཟློག་ཏུ་གསོལ། །མ་ཧཱ་དེ་བ་མུ་སྟེགས་གདོན། །བདེན་པའི་སྟོབས་ཀྱིས་བཟློག་ཏུ་གསོལ། །སྟོབས་ཀྱིས་ཁེངས་པ་བདུད་བཞིའི་དཔུང་། །ཞབས་བཞི་བགྲད་པས་བཟློག་ཏུ་གསོལ། །ཕྱག་རྒྱ་
རྫས་ཀྱིས་ནུས་པའི་མཐུ། །སྐུ་ཡི་གསང་བས་བཟློག་ཏུ་གསོལ། །འཕྲུལ་འཁོར་སྔགས་ཀྱི་ནུས་པའི་མཐུ། །གསུང་གི་གསང་བས་བཟློག་ཏུ་གསོལ། །ཏིང་འཛིན་བསྒོམ་པའི་ནུས་པའི་མཐུ། །ཐུགས་ཀྱི་གསང་བས་བཟློག་ཏུ་གསོལ། །
གློ་བུར་ཡེ་འདྲོག་ལྟས་ངན་ནད། །ཡོན་ཏན་ཆེན་པོས་བཟློག་ཏུ་གསོལ། །མི་མཐུན་གནོད་པ་ཅི་ཡོད་པ། །འཕྲིན་ལས་རོལ་པས་བཟློག་ཏུ་གསོལ། །ཨྱཻ་རིང་གཤམ་དུ། ཨེ་ཀ་ཧེ་དུན་བྷྱོ་བཟློག ཡ་མ་
རཱ་ཛཱ་བྷྱོ་བཟློག །མ་མ་ཨེ་ཀ་ཙ་ཏི་ཐུན་བྷྱོ། མཱ་ར་ཡ་བཟློག །མ་མོ་ཨེ་ཀ་ཙ་ཏི་ཐུན་བྷྱོ་བཟློག །ཕུས་ནཱ་ག་གཏད་ཁྲོམ་བྷྱོ་བཟློག །ཕྱུང་ཕྱུང་། ཤིག་ཤིག ཕྲོལ་ཕྲོལ། མ་ར་ཡ་སྟཾ་བྷ་ཡ་ལཾ་ནན། 
17-76
ཐུན་ཟོར་འཕང་བ་འདི་ཡིས་བྱ། ། ཧཱུྃ། ནག་པོ་ལྕགས་ཀྱི་སླ་ངའི་ནང་། །དུག་ཁྲག་སྦྱར་བའི་ཐུན་བྱས་ཏེ། །དུག་དང་ནད་དུ་བྱིན་བརླབས་པ། །དགྲ་དང་བགེགས་ལ་ཁྲག་ཟོར་ཡ། །མོ་རྒྱུད་ཁྲག་ནི་
མངལ་ནས་སྐེམས། །བྱད་ཁ་བཟློག་ལ་ཕུར་ཁ་བསྒྱུར། །བཅོལ་བའི་འཕྲིན་ལས་འགྲུབ་པར་མཛོད། །ཧཱུྃ། འབར་བའི་ཡུངས་ཀར་འདི་དག་ནི། །འགྲོ་བ་དྲུག་གི་གཤེད་མ་ཡིན། །གཤིན་རྗེའི་རྒྱལ་པོས་བསྔགས་པ་ཡིན། །མ་
མོ་རྣམས་ཀྱི་མགྱོགས་བྱེད་ཡིན། །ཕྱག་ན་རྡོ་རྗེའི་ཕོ་ཉ་སྟེ། །ཐུན་ཟོར་བུ་རྒྱུད་ཚ་ལ་ཡ། །བུ་ཚ་བདུན་རྒྱུད་རྩད་ནས་ཆོད། །བྱད་ཁ་བཟློག་ལ་ཕུར་ཁ་བསྒྱུར། །བཅོལ་བའི་འཕྲིན་ལས་འགྲུབ་པར་
མཛོད། ། ཧཱུྃ། གདུག་པ་ཅན་གྱི་ཤིང་བུ་ལ། །ལྟས་ངན་བྱ་ཡི་སྒྲོ་ཡིས་སྒྲོན། །དམེ་པོའི་ཁྲག་དང་དུག་གིས་བྱུགས། །མཆོག་ཆེན་རྩིབ་མའི་གཞུ་བྱས་ཏེ། །མི་ཡི་རྒྱུས་པས་རྒྱུད་བཏགས་པ། །གནམ་ལྕགས་མདའ་
གཞུར་བྱིན་བརླབས་ནས། །མདའ་ཟོར་སྒོ་ཡི་ནོར་ལ་ཡ། །སྒོ་ནོར་གོད་འདྲེས་ཕྱགས་མ་ཐོབ། །བྱད་ཁ་བཟློག་ལ་ཕུར་ཁ་བསྒྱུར། །བཅོལ་བའི་འཕྲིན་ལས་འགྲུབ་པར་མཛོད། ། ཧཱུྃ། རབས་ཆད་ཐོད་པ་མཚན་ངན་ནི། །
འགོང་པོ་སྤུན་དགུའི་ཕོ་ཉ་སྟེ། །བྱུར་འདྲེ་རྣམས་ཀྱི་བླ་རྡོ་ཡིན། །ཕུང་བྱེད་རྫས་སུ་བྱིན་བརླབས་པའི། །ཐོད་ཟོར་བང་ཁང་སྲིས་ལ་ཡ། །ཕྱགས་མས་ཐལ་བ་རླུང་ལ་བསྐུར། །བྱད་ཁ་བཟློག་ལ་ཕུར་ཁ་བསྒྱུར། །
17-77
བཅོལ་བའི་འཕྲིན་ལས་འགྲུབ་པར་མཛོད། །ཧཱུྃ། ལྕགས་སམ་གདུག་པའི་ཤིང་རྣམས་ལ། །སྟོད་ནི་རྒྱ་མདུད་འབར་བ་ལ། །འཆང་གཟུངས་བརྒྱད་གཞོགས་གློག་སྟོང་འཁྱུག །ཆུ་སྲིན་ཁ་ནས་འབྲུག་སྟོང་ལྡིར། །སྐུ་སྨད་ཟུར་གསུམ་
དབལ་ལྡན་པའི། །ཕུར་ཟོར་དགྲ་བོའི་སྙིང་ལ་ཡ། །དྲག་པོའི་གྲི་ཐབས་ནད་ཀྱིས་སོད། །བྱད་ཁ་བཟློག་ལ་ཕུར་ཁ་བསྒྱུར། །བཅོལ་བའི་འཕྲིན་ལས་འགྲུབ་པར་མཛོད། །ཧཱུྃ། ཚོན་སྐུད་སྔོ་དམར་འུར་ཐོག་ཏུ། །དུར་
ཁྲོད་རྡོ་ནག་བཅུག་ནས་ནི། །གནམ་ལྕགས་ཐོག་ཏུ་བྱིན་བརླབས་པའི། །རྡོ་ཟོར་དགྲ་བོའི་མཁར་ལ་ཡ། །སྐྱེ་བོ་འཁོར་གྱི་རྒྱུན་ལམ་ཆོད། །བྱེད་ཁ་བཟློག་ལ་ཕུར་ཁ་བསྒྱུར། །བཅོལ་བའི་འཕྲིན་ལས་འགྲུབ་པར་
མཛོད། །ཧཱུྃ། འབྲུ་ནག་ཁྲག་སྦྲུས་ཟུར་གསུམ་བཤོས། །དབུས་སུ་ཚེ་བདག་ཞལ་ཕྱུང་ནས། །དཔལ་གྱི་བཤོས་བུས་མཐའ་བསྐོར་ཏེ། །མར་མེ་ཡུངས་ཀར་རྩང་གིས་བཙུགས། །དུག་དང་ཐུན་དང་སྔགས་ཀྱིས་བྲབས། ཤ་ཁྲག་དམར་
གྱིས་རབ་བརྒྱན་ཏེ། །དུག་ནད་དམག་ཏུ་བྱིན་བརླབས་པ། །འཕེན་ནི་ཚེ་བདག་ཉིད་ཀྱིས་འཕེན། །སྡང་བའི་དགྲ་ལ་གཏོར་ཟོར་ཡ། །དགྲ་བོ་བདུན་རྒྱུད་རྩེད་ནས་ཆོད། །བྱད་ཁ་བཟློག་ལ་ཕུར་ཁ་བསྒྱུར། །བཅོལ་
བའི་འཕྲིན་ལས་འགྲུབ་པར་མཛོད། །གཏོར་ཆེན་དགྲ་བོའི་ཡུལ་ཕྱོགས་འཕང་། །ཕོ་ཉ་རྣམས་ཀྱིས་དེ་བསྒྲལ་བསོམ། །ལོག་ནས་ཁང་ཕྱོགས་གཏོར་གཞོང་ནི། །བདུད་རྩི་སྨན་ཆུས་བཤལ་ནས་སུ། །བསྟན་མ་སྐྱོང་བ་འདི་ཡིས་སོ། །
17-78
ཧཱུྃ། འཛམ་གླིང་ལྷོ་ཕྱོགས་གངས་ཅན་བོད་ཀྱི་ཡུལ། །དགུང་སྔོན་སྟོང་དང་གངས་རི་གཡའ་རྩེ་དང་། །སྤང་གཤོང་བྲག་དང་ནགས་ཁྲོད་དགའ་བའི་ཚལ། །འབྲོག་ཆེན་ཐང་མཚོ་དུར་ཁྲོད་བས་མཐའ་དང་། །ཕྱོགས་དང་ཕྱོགས་
མཚམས་གང་ན་གནས་ཀྱང་རུང་། །བོད་ཁམས་སྐྱོང་བའི་བརྟན་མ་བཅུ་གཉིས་ཚོགས། །བཀའ་སྡོད་བྲན་གཡོག་མང་པོའི་འཁོར་དང་བཅས། །གསེར་གཡུ་རིན་ཆེན་དར་ཟབ་རྒྱན་དང་ལྡན། །དབང་གི་ཐོར་ཚུགས་དབང་རྟགས་ཅོད་
པན་འཆང་། །རང་རང་ཆིབས་དང་ཕྱག་མཚན་སྣ་ཚོགས་བསྣམས། །མཛེས་པའི་གར་སྟོན་གཤུགས་གླུས་སྟོང་གསུམ་འགེངས། །མཁའ་ལ་རྒྱུ་ཞིང་གླིང་བཞི་ཡུད་ཀྱིས་མྱུལ། །རྫུ་འཕྲུལ་སྟོབས་ཀྱིས་མ་ཐོགས་གནས་འདིར་བྱོན། །འཇམ་དཔལ་
ཟིལ་གནོན་བཀའ་ཡི་ཕམ་ཕབས་ལོངས། །རྣལ་འབྱོར་བདག་གིས་བཅོལ་བའི་འཕྲིན་ལས་མཛོད། །བར་གཅོད་ཞི་ཞིང་དགྲ་བགེགས་བརླག་པར་གྱིས། །བསྟན་པ་བསྲུང་ཞིང་གང་འདོད་ཡིད་བཞིན་སྒྲུབས། །གཏོར་གཞོང་རི་རབ་གསལ་བའི་
འོག །བྲུབ་ཁུང་དམ་སྲི་བཀུག་ནས་བཅུག། །མནན་ཅིང་མི་ཐར་བསམ་ནས་བྲོ། ། ཧཱུྃ། སྟོང་གསུམ་སྟོང་གི་འཇིག་རྟེན་ན། །ཀུན་ཀྱང་འཇམ་དཔལ་གཤིན་རྗེ་གཤེད། །ཁྲོ་བོ་འདུས་པས་ནམ་མཁའ་གང་། །ཁྲོ་མོ་འདུས་
པས་བར་སྣང་གང་། །ཁྲོ་ཆུང་འདུས་པས་ས་གཞི་གང་། །ཐམས་ཅད་འདུས་པའི་ངང་ཉིད་ནས། །རྐང་པ་གཡས་ཀྱིས་བྲོ་བརྡུངས་པས། །ཕོ་སྲི་ཐམས་ཅད་གཡས་སུ་མནན། །རྐང་པ་གཡོན་གྱིས་བྲོ་བརྡུངས་པས། །མ་སྲི་ཐམས་ཅད་གཡོན་དུ་མནན། །
17-79
གཉིས་སུ་མེད་པར་བྲོ་བརྡུངས་པས། །ཆུང་སྲི་དམ་སྲི་རྡུལ་དུ་རློག །བྲོ་འདི་ཡེ་ཤེས་ཆེན་པོའི་བྲོ། །དགྲ་རྣམས་ཐལ་བར་རློག་པའི་བྲོ། །བདུད་རྣམས་ཕྱེ་མར་འཐག་པའི་བྲོ། །དེ་ཕྱིར་གླུ་བྲོ་རྒྱུན་
མི་འཆད། །ཤར་དུ་ཞི་བའི་བྲོ་བརྡུངས་པས། །དགྲ་བགེགས་དམ་སྲི་ཞི་བར་ཤོག །ལྷོ་རུ་རྒྱས་པའི་བྲོ་བརྡུངས་པས། །ཚེ་དང་བསོད་ནམས་རྒྱས་པར་ཤོག །ནུབ་ཏུ་དབང་གི་བྲོ་བརྡུངས་པས། །ལྷ་འདྲེ་མི་
གསུམ་དབང་སྡུད་ཤོག །བྱང་དུ་དྲག་པོའི་བྲོ་བརྡུངས་པས། །དགྲ་བགེགས་དམ་སྲི་མེད་པར་ཤོག །ཨེ་ཀ་ཀྲོ་ཏེ་ཀ །ཡ་མནྟ་ཀ་ཀཱ་ལ་རཱུ་པ། ཧྲིཥྚ་ཝི་ཀྲྀ་ཏཱ་ན་ན་ཧཱུྃ་ཕཊ། ཤཱིནྟཾ་ཀུ་
རུ་ཡེ་སྭཱ་ཧཱ། པུཊྚི་ཀུ་རུ་ཡེ་སྭཱ་ཧཱ། ཝ་ཤཾ་ཀུ་རུ་ཡེ་སྭཱ་ཧཱ། དགྲ་བགེགས་མཱ་ར་ཡ་ཕཊ། རྗེས་ཆོག་ལྷག་ཆད་བསྐང་བའི་ཕྱིར། བླ་མ་ཡི་དམ་མཁའ་འགྲོ་ཐམས་ཅད་དང་། །མ་
གཤིན་འདུས་པའི་དཀྱིལ་འཁོར་ལྷ་ཚོགས་དང་། །བཀའ་སྲུང་དྲེགས་པ་ཐམས་ཅད་དགོངས་སུ་གསོལ། །བདག་ཅག་མ་རིག་ལུས་དང་ངག་སེམས་ཀྱིས། །མི་དགེ་སྡིག་པའི་ལས་བགྱིས་མཐོལ་ལོ་བཤགས། །མཚམས་མེད་ལྔ་དང་ཉེ་
བ་ལྔ་ལ་སོགས། །མི་དགེ་དང་དུ་མི་ལེན་མ་ཤེས་ཤིང་། །གཏོར་མའི་ཕུད་ཉམས་དམ་མེད་མི་གཙང་འདྲེས། །བྱིན་གྱིས་མ་རློབས་ཏིང་འཛིན་གཡེལ་ལ་སོགས། །ལེ་ལོ་སྙོམས་ལས་དབང་དུ་གྱུར་པ་རྣམས། །
17-80
མ་གཤིན་དྲེགས་པའི་ཚོགས་ལ་མཐོལ་ལོ་བཤགས། །མཐོལ་ཞིང་བཤགས་པས་སྦྱངས་པའི་བྱིན་རླབས་ཀྱིས། །མཆོག་དང་ཐུན་མང་དངོས་གྲུབ་སྩལ་དུ་གསོལ། །ཞི་རྒྱས་དབང་དྲག་འཕྲིན་ལས་ཡོངས་འགྲུབ་ནས། །འཇམ་དཔལ་གཤེད་ཀྱིས་
གོ་འཕང་ཐོབ་པར་ཤོག །ཨོཾ་ཡ་མཱནྟ་ཀ་ས་མ་ཡ་མ་ནུ་པཱ་ལ་ཡ། ཡམཱནྟ་ཀ་ཏྭེ་ནོ་པ་ཏིཥྛ། དྲྀ་ལྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ།
ཨ་ནུ་རཀྟོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲི་ཡཾཿ ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་བཱན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲི་
བྷ་བ་མ་ཧཱ་ས་མ་ཡ་སཏྭ་ཨཱཿ ཞེས་པའི་ཡིག་བརྒྱ་ཅི་མང་འདོན། །དེ་ནས་ཤིས་པ་འདི་སྐད་བརྗོད། ཧོ། ཤེས་བྱ་ཀུན་ལ་མ་རྨོངས་པ། །བླ་མ་རྣམས་ཀྱི་བཀྲ་ཤིས་ཤོག །དངོས་གྲུབ་
མ་ལུས་སྟེར་བའི་དཔལ། །ཡི་དམ་མཁའ་འགྲོའི་བཀྲ་ཤིས་ཤོག །མཐུ་བསྲུང་ནུས་པ་མཆོག་ལྡན་པའི། །ཆོས་སྐྱོང་སྲུང་མའི་བཀྲ་ཤིས་ཤོག །ལེགས་པའི་ཡོན་ཏན་གྱིས་བརྒྱན་པའི། །བསམ་དོན་འགྲུབ་པའི་བཀྲ་ཤིས་ཤོག །
སྐུ་གསུང་ཐུགས་དང་ཡེ་ཤེས་ལྔ། །ཕྱག་རྒྱ་ཆེན་པོའི་བཀྲ་ཤིས་ཤོག། །།
༄། །བསྔོ་བ་སྨོན་ལམ།
དེ་ནས་བསྔོ་བ་སྨོན་ལམ་ནི། ། ཧོ། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །
17-81
དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ། །དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་
རྩ་བ་འདི་ཀུན་ཀྱང་། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །གནམ་ལྕགས་སྡིག་པའི་ཆོས་སྡེའི་འཕྲིན་ལས་དང་མངོན་པར་རྟོགས་པ་འཁྲུགས་པ་གཅིག་ཏུ་བསྡེབས་ཤིང་ཚིག་ཉུང་ངུར་བྱས་པའི་ལས་བྱང་
ཀུན་ཏུ་བཟང་པོའི་མཆོད་སྤྲིན་ཞེས་བྱ་བ། སྐྱེ་བར་ལྷ་འདི་ལ་བསྙེན་པའི་སྔགས་འཆང་ཆོས་རྒྱལ་ཕུན་ཚོགས་ཀྱི་ངོར། བཅོམ་ལྡན་འདས་འཇམ་དཔལ་ལས་གནང་བ་ཐོབ་པ་པདྨ་དཀར་པོས་རྒྱལ་བྱེད་ཚལ་
དུ་སྦྱར་བའོ།། །།སརྦ་མངྒ་ལཾ།། །། རྨད་འབྱུང་དོན་བརྒྱུད་བསྟན་པའི་བང་མཛོད་ཆེ། །ཀུན་མཁྱེན་བླ་མའི་གསུང་གསང་ནོར་བུའི་ཕྲེང་། །པར་གཞི་ཁ་བསྐོང་དགོས་རིགས་འབྲུག་སྒར་གྱི། །མཛོད་ཁྲི་ཐབས་མཁས་ཅན་ནས་བཞེངས་
དགེའི་མཐུས། །ཕ་མ་སྐུ་གཤེགས་དཔལ་ལྡན་ཅན་གྱིས་གཙོས། །འབྲེལ་ཐོག་མཁའ་མཉམ་དུཿཁའི་མུན་བསལ་སྟེ། །རྣམ་དག་སྐུ་བཞིའི་གྲོང་ཁྱེར་ཉམས་དགའ་བར། །རྡོ་རྗེ་འཆང་གི་རྒྱལ་སྲིད་བསྙེས་པར་སྨོན། །ཅེས་རྒྱུ་སྦྱོར་
མི་དབང་གན་མཛོད་མཆོག་གི་བཀས་བསྐུལ་བ་ལྟར། ངག་གི་དབང་པོས་སོ།། །།


